బాలీవుడ్లో అగ్ర దర్శకనిర్మాతగా కొనసాగుతున్నారు కరణ్జోహార్. ‘కాఫీ విత్ కరణ్’ షో ద్వారా ఆయన పాపులారిటితో పాటు అదే స్థాయిలో విమర్శల్ని ఎదుర్కొన్నారు. తారల వ్యక్తిగత జీవితాల గురించి అభ్యంతరకరమైన ప్రశ్నల్ని సంధిస్తూ ఇబ్బంది పెడతాడని ఆరోపణలున్నాయి. ఇక బాలీవుడ్లో నెపోటిజమ్ను (బంధుప్రీతి) ప్రోత్సహిస్తాడని, ఇండస్ట్రీపై గుత్తాధిపత్యం చెలాయిస్తాడని విమర్శలున్నాయి. 2017లో ప్రసారమైన ‘కాఫీ విత్ కరణ్ సీజన్-5’లో బంధుప్రీతి గురించి కరణ్జోహార్, కంగనారనౌత్ జరిగిన వాగ్వాదం బాలీవుడ్ ఇండస్ట్రీలో నెపోటిజంపై చర్చకు దారితీసింది. తాజాగా ఇదే అంశాన్ని కరణ్జోహార్ చర్చకు పెట్టడం ప్రాధాన్యతను సంతరించుకుంది.
డిస్నీ హాట్స్టార్లో ‘షోటైమ్’ పేరుతో ప్రసారం కానున్న ఈ కార్యక్రమంలో కరణ్జోహార్ నెపోటిజం గురించి చర్చాగోష్టిని నిర్వహించబోతున్నారు. ‘భారతీయ ఎంటర్టైన్మెంట్ ఇండస్ట్రీలో తెలియని చీకటి కోణాల్ని ఈ షో ద్వారా ఆవిష్కరించబోతున్నాం’ అని డిస్నీ హాట్స్టార్ పేర్కొంది. స్వయంగా నెపోటిజమ్ ఆరోపణలు ఎదుర్కొన్న కరణ్జోహార్ ఈ షోలో ఏం చెప్పబోతున్నారనేది ఆసక్తికరంగా మారింది.