విధిని ఎదురించే వీరుడు

విధి కాలం కంటే బలమైనది. గతం, వర్తమానం, భవిష్యత్‌..కాలం ఏదైనా నలుదిక్కులా మార్మోగు పేరు ఒక్కటే ‘కంగువ” అంటున్నారు తమిళ అగ్ర హీరో సూర్య.

“విధి కాలం కంటే బలమైనది. గతం, వర్తమానం, భవిష్యత్‌..కాలం ఏదైనా నలుదిక్కులా మార్మోగు పేరు ఒక్కటే ‘కంగువ” అంటున్నారు తమిళ అగ్ర హీరో సూర్య. ఆయన నటిస్తున్న పీరియాడిక్‌ చిత్రం ‘కంగువ’ సెకండ్‌లుక్‌ను సోమవారం విడుదల చేశారు. ఇందులో ఆయన యుద్ధవీరుడిలా కనిపిస్తున్నారు. ఈ చారిత్రక నేపథ్య చిత్రాన్ని పాన్‌ వరల్డ్‌ మూవీగా పది భాషల్లో తెరకెక్కిస్తున్నారు. త్రీడీ వెర్షన్‌లో ప్రేక్షకుల ముందుకురానుంది. స్టూడియో గ్రీన్‌, యూవీ క్రియేషన్స్‌ నిర్మిస్తున్న ఈ చిత్రానికి శివ దర్శకత్వం వహిస్తున్నారు. దిశా పటానీ కథానాయిక. అత్యున్నత సాంకేతిక విలువలతో ఈ చిత్రాన్ని తెరకెక్కిస్తున్నామని, ఎవరికీ తలొంచని ధీరుడిగా సూర్య పాత్ర ప్రేక్షకుల్ని మెస్మరైజ్‌ చేస్తుందని, త్వరలో విడుదల తేదీని ప్రకటిస్తామని చిత్ర బృందం పేర్కొంది. ఈ చిత్రానికి కెమెరా: వెట్రి పళనిస్వామి, నిర్మాతలు: కేఈ జ్ఞానవేల్‌ రాజా, వంశీ, ప్రమోద్‌, దర్శకత్వం: శివ.