Chandramukhi-2 Movie | హిట్టయిన సినిమాకు సీక్వెల్ తెరకెక్కుతుందంటే ప్రేక్షకులలో భారీ అంచనాలుంటాయి. అలాంటి అంచనాలోనే తెరకెక్కుతున్న చిత్రం ‘చంద్రముఖి-2’. 2005లో వచ్చిన ‘చంద్రముఖి’ సినిమా బాక్సాఫీస్ దగ్గర సంచలన విజయం సాధించింది. దక్షిణాది ప్రేక్షకులకు సరికొత్త హర్రర్ ఎక్స్పీరియెన్స్ ఇచ్చింది. అంతేకాకుండా హార్రర్ సినిమాలకు ట్రెండ్ సెట్టర్గా నిలిచింది. కాగా దాదాపు 17ఏళ్ల తర్వాత ఈ సినిమాకు సీక్వెల్ తెరకెక్కుతుంది. లారెన్స్ ప్రధాన పాత్రలో నటిస్తున్న ఈ చిత్రానికి పి. వాసు దర్శకత్వం వహిస్తున్నాడు. ప్రస్తుతం ఈ సినిమా షూటింగ్ శరవేగంగా జరగుతుంది. ఇదిలా ఉంటే ఈ సినిమాకు సంబంధించిన ఓ వార్త నెట్టింట వైరల్గా మారింది.
ఈ చిత్రంలోని కీలక పాత్ర కోసం బాలీవుడ్ నటి కంగానా రనౌత్ను ఎంపిక చేసినట్లు తెలుస్తుంది. అయితే చంద్రముఖి పాత్రలో నటించడానికి ఈమెను ఎంపిక చేసినట్లు వార్తలు వస్తున్నాయి. దీనిపై అధికారిక ప్రకటన వచ్చే వరకు వేచి చూడాల్సిందే. ఈ చిత్రాన్ని లైకా ప్రొడక్షన్స్ బ్యానర్పై సుభాస్కరన్ నిర్మిస్తున్నాడు. వడివేలు, రాధికా శరత్కుమార్ కీలకపాత్రల్లో నటిస్తున్నారు. ఎమ్.ఎమ్ కీరవాణి సంగీతం అందిస్తున్న ఈ చిత్రానికి తోట తరణి ఆర్ట్ డైరెక్టర్గా పనిచేస్తున్నాడు. ఇప్పటికే చిత్రం నుండి విడుదలైన పోస్టర్లు సినిమాపై విపరీతమైన క్యూరియాసిటీని పెంచాయి. నిజానికి చంద్రముఖి విజయం తర్వాత రజినీతోనే సీక్వెల్ను పట్టాలెక్కించాలని దర్శకుడు p.వాసు ఎంతో ప్రయత్నించాడు. కానీ అది కుదరలేదు.