Amigos Movie | కళ్యాణ్‌రామ్‌ అమిగోస్‌ ఫస్ట్‌ సింగిల్‌ రిలీజ్‌..!

కళ్యాణ్‌రామ్‌ త్రిపాత్రాభినయం చేస్తున్న సినిమా 'అమిగోస్‌'. 'బింబిసార' వంటి బ్లాక్‌బస్టర్‌ తర్వాత కళ్యాణ్‌రామ్‌ ఈ సినిమాతో ప్రేక్షకులు ముందుకు రానుండటంతో అమిగోస్‌పై భారీ అంచనాలే నెలకొన్నాయి.

Amigos Movie First Single | కళ్యాణ్‌రామ్‌ త్రిపాత్రాభినయం చేస్తున్న సినిమా ‘అమిగోస్‌’. ‘బింబిసార’ వంటి బ్లాక్‌బస్టర్‌ తర్వాత కళ్యాణ్‌రామ్‌ ఈ సినిమాతో ప్రేక్షకులు ముందుకు రానుండటంతో అమిగోస్‌పై భారీ అంచనాలే నెలకొన్నాయి. దానికి తోడుగా ఇటీవలే రిలీజైన టీజర్‌ అంచనాలను రెట్టింపు చేసింది. రాజేంద్ర రెడ్డి దర్శకుడిగా పరిచయమవుతూ ఈ సినిమాను తెరకెక్కిస్తున్నాడు. ఇప్పటికే విడుదలైన కళ్యాణ్‌రామ్‌ మూడు లుక్‌లు విశేషంగా ఆకట్టుకున్నాయి. మరోసారి కళ్యాణ్‌రామ్‌ ప్రయోగాత్మక సినిమాతో తన అదృష్టాన్ని పరిక్షించుకోవాలని చూస్తున్నాడు. ఈ సినిమా ఫిబ్రవరి 17న ఈ సినిమా గ్రాండ్‌గా రిలీజ్‌ కాబోతుంది. ఈ క్రమంలో చిత్రబృందం వరుస అప్‌డేట్‌లు ప్రకటిస్తూ సినిమాపై మంచి బజ్‌ క్రియేట్‌ చేస్తున్నారు.

తాజాగా ఈ సినిమా ఫస్ట్‌ సింగిల్‌ను మేకర్స్‌ రిలీజ్‌ చేశారు. ‘యెక యెక’ అంటూ సాగే ఈ పాట శ్రోతలను ఆకట్టుకుంటుంది. ఒకరితో ఒకరికి సంబంధంలేకుండా ఓకేలా ఉన్న ముగ్గురు వ్యక్తుల మధ్య ఉన్న అనుబంధాన్ని ఈ పాటలో తెలియజేశారు. జిబ్రాన్‌ సంగీతం అందించిన ఈ పాటకు రామజోగయ్య శాస్త్రీ సాహిత్యం అందించగా.. అనురాగ్‌ కులకర్ణి ఆలపించాడు. యాక్షన్‌ థ్రిల్లర్‌ నేపథ్యంలో తెరకెక్కిన ఈ సినమాలో కళ్యాణ్‌రామ్‌కు జోడీగా మలయాళ బ్యూటీ అశికా రంగనాథ్ నటించింది. మైత్రీ మూవీ మేకర్స్‌ సంస్థ నిర్మించిన ఈ సినిమాలో కళ్యాణ్‌ రామ్‌ ఇన్నోసెంట్‌ సాఫ్ట్‌వేర్‌గా, స్టైలిష్‌ బిజినెస్‌ మేన్‌గా, నెగెటీవ్ షేడ్స్ ఉన్న వ్యక్తిగా ఇలా మూడు విభిన్న స్వభావాలు కలిగిన పాత్రల్లో నటించాడు.