Prabhas | పాన్ ఇండియా స్టార్ ప్రభాస్ గత శుక్రవారం ఇన్స్టా వేదికగా ఒక ఇంట్రెస్టింగ్ పోస్ట్ పెట్టిన విషయం తెలిసిందే. డార్లింగ్స్ త్వరలోనే మన లైఫ్లోకి ఓ కొత్త పర్సన్ రాబోతోన్నారు.. గుడ్ న్యూస్ వెయిట్ చేయండి అంటూ ప్రభాస్ ఓ పోస్ట్ వేశాడు. అయితే ఈ పోస్ట్ పెట్టగానే అభిమానులు అందరూ ప్రభాస్ పెళ్లి అనౌన్స్మెంట్ కావోచ్చని తెగ సంబరాలు చేసుకున్నారు. మరోవైపు ఈ పోస్ట్ సినిమా అప్డేట్ అవ్వోచ్చని కామెంట్లు వచ్చాయి. అయితే ఈ రూమర్స్కు చెక్ పెడుతూ ‘కల్కి 2898 ఏడీ’ (Kalki 2898 AD) సినిమా నుంచి బుజ్జి అనే పాత్రను రివీల్ చేయనున్నట్లు తెలిపాడు. ఇక చెప్పినట్లుగానే తాజాగా ఈ మూవీ నుంచి బుజ్జి అనే పాత్రను రివీల్ చేశాడు ప్రభాస్.
తాజాగా బుజ్జికి సంబంధించిన గ్లింప్స్ను మేకర్స్ విడుదల చేశారు. ఇక ఈ సినిమాలో బుజ్జి పాత్ర చిట్టి రోబో అని తెలుస్తుంది. బుజ్జి పేరుతో అందరూ దాన్ని పిలుస్తున్నారు. ఎవరా బుజ్జి అంటూ అంటూ వచ్చిన ఈ చిట్టి రోబోకు హీరోయిన్ కీర్తి సురేశ్ వాయిస్ ఓవర్ ఇచ్చింది. బుజ్జి మాటలు, బుజ్జి చేసే అల్లరి ఎంటర్టైనింగ్గా అనిపించాయి. ఇక గ్లింప్స్ చివరిలో ‘నా లైఫ్ ఎంటి? బాడీ లేకుండా బతికేయాల్సిందేనా’ అంటూ చెబుతుండగా.. ప్రభాస్ వచ్చి ‘నీ టైమ్ మొదలైంది బుజ్జి’ అంటూ ఒక స్పెషల్ కారును రివీల్ చేయబోయాడు. అయితే ఇక్కడ ట్విస్ట్ ఇస్తూ బుజ్జి గురించి పూర్తిగా తెలుసుకోవాలంటే మే 22 వరకు వెయిట్ చేయాల్సిందేనని చిత్రయూనిట్ తెలిపారు. మహానటి దర్శకుడు నాగ్ అశ్విన్ తెరకెక్కిస్తున్న ఈ చిత్రంలో దీపిక, దిశా పటానీ హీరోయిన్లు. అమితాబ్ బచ్చన్, కమల్ హాసన్, కీలక పాత్రలు పోషిస్తున్నారు. జూన్ 27న సినిమా విడుదల కానుంది.