ప్రస్తుతం సినీ ఇండస్ట్రీలో మల్టీ స్టారర్ హవా నడుస్తుంది. స్టార్ హీరోలు కూడా మల్టీ స్టారర్స్ చేసేందుకు ఆసక్తి చూపుతున్న నేపథ్యంలో వైవిధ్యమైన ప్రాజెక్టులు ప్రేక్షకుల ముందుకు వస్తున్నాయి. తాజాగా కన్నడ రియల్ స్టార్ ఉపేంద్ర, కన్నడ బాద్షా కిచ్చా సుదీప్ కాంబినేషన్లో కబ్జా అనే చిత్రం రూపొందుతుంది. పాన్ ఇండియా మూవీగా ఈ చిత్రాన్ని రూపొందిస్తుండగా, ఈ చిత్రానికి ఆర్.చంద్రు దర్శకత్వం వహిస్తున్నారు. గతంలో ఉపేంద్ర, చంద్రు కాంబినేషన్లో కన్నడలో ‘బ్రహ్మ’, ‘ఐ లవ్ యూ’ సినిమాలు వచ్చాయి. ‘కబ్జా’ .. ఉపేంద్ర, చంద్రు కాంబినేషన్లో వస్తోన్న మూడో చిత్రం.
కబ్జా చిత్రంలో భార్గవ్ భక్షి అనే పాత్రను కిచ్చా సుదీప్ పోషిస్తున్నారు. 1947-1986 కాలంలో ఈ పాత్ర ఉంటుంది. మాఫియాను అంతం చేసే ఒక పాత్ర అని తెలుస్తుండగా, సుదీప్ పాత్ర కూడా కొత్తగా ఉంటుందట. ఈ సినిమా ద్వారా 1947 కాలానికి తీసుకెళ్లబోతున్నారు. అండర్ వరల్డ్లో ఒక కొత్త కోణాన్ని చూపించబోతున్నారు.‘కె.జి.యఫ్’ మ్యూజిక్ డైరెక్టర్ రవి బస్రూర్ ఈ చిత్రానికి సంగీతం సమకూరుస్తున్నారు. ఎ.జె.షెట్టి సినిమాటోగ్రఫీ అందిస్తున్నారు. కాగా, గతంలో హిందీ మూవీ ‘ఓ మై గాడ్’ కన్నడ రీమేక్ ‘ముకుందా మురారి’లో సుదీప్- ఉపేంద్ర కలిసి నటించిన విషయం తెలిసిందే.