సుదీప్‌ మాస్‌ ఎంటర్‌టైనర్‌

కన్నడ నటుడు కిచ్చా సుదీప్‌ నటించిన చిత్రం ‘కే 3 కోటికొక్కడు’. శివ కార్తీక్‌ దర్శకుడు. ఇటీవల కన్నడంలో విడుదలై విజయం సాధించిన ఈ చిత్రం తెలుగులో నవంబరు 12న విడుదల కానుంది. గుడ్‌ సినిమా గ్రూప్‌తో కలిసి శ్రేయాస్‌ శ్రీనివాస్‌, దేవేంద్ర డీకే తెలుగు ప్రేక్షకులకు అందిస్తున్నారు. నిర్మాతలు మాట్లాడుతూ ‘కన్నడంలో విడుదలైన ఈ చిత్రం తొలి నాలుగు రోజుల్లోనే దాదాపు 40 కోట్లు వసూలు చేసింది. సుదీప్‌ రెండు విభిన్న పాత్రల్లో కనిపిస్తారు. మాస్‌ యాక్షన్‌ ఎంటర్‌టైనర్‌గా తెరకెక్కిన ఈ చిత్రం తెలుగు ప్రేక్షకులను కూడా అలరిస్తుందనే నమ్మకం వుంది’అన్నారు. శ్రద్దాదాస్‌, రవిశంకర్‌, నవబ్‌షా తదితరులు నటించిన ఈ చిత్రానికి సమర్పణ: స్పందన పాశం, శ్వేతన్‌రెడ్డి.