Visit:
NTR | యంగ్ టైగర్ ఎన్టీఆర్ చాలా లగ్జరీ ప‌ర్స‌న్. ఆయన వేసుకునే బట్టలు, తిరిగే కారు, పెట్టుకునే వాచ్ అన్ని కూడా చాలా కాస్ట్‌లీనే. ఒక్కోసారి ఆయన ఒంటి మీద ఉన్న వస్తువుల రేటు ఎంతో తెలుసుకునేందుకు కొంత‌మంది ఉత్సాహం చూపిస్తుంటారు. ఈ క్ర‌మంలో వారు నోరెళ్ల‌పెడుతుంటారు. టాలీవుడ్ హీరోల‌లో ఎన్టీఆర్ ప్రతీ చిన్న వస్తువుకు భారీగా ఖర్చు పెడతారు. లగ్జరీ కార్లు, బట్టలు, షూస్, వాచ్, ఫోన్స్ ఇలా రకరకాల వస్తువుల కోసం కోట్లు ఖర్చుపెట్టడానికి ఏ మాత్రం వెనకాడరు యంగ్ టైగర్. ఇంట్లో వేసుకునే స్లిప్పర్స్ కోస‌మే ప‌ది వేలు ఖర్చు పెట్టారంటే కార్ల కోసం,దుస్తుల కోసం ఏ రేంజ్‌లో ఖర్చు పెడ‌తారో అర్ధం చేసుకోవ‌చ్చు.
ఇటీవ‌ల ఎన్టీఆర్ ఫ్యామిలీతో దుబాయ్ వెకేష‌న్‌కి వెళ్లాడు. అక్క‌డ స‌ర‌దాగా చ‌క్క‌ర్లు కొడుతున్నాడు. ఈ క్ర‌మంలోనే కొంద‌రు అభిమానుల‌ని ఎన్టీఆర్ క‌లిసాడు.ఆ స‌మ‌యంలో చాలా సింపుల్‌గా కనిపించే నీలిరంగు పూల చొక్కా ధరించాడు ఎన్టీఆర్.. చూడ్డానికి ఆ షర్ట్ సింపుల్‌గానే కనిపిస్తున్నా ఆ షర్ట్ ధర తెలిసి షాకవుతున్నారు. ‘ఎట్రో’ అనే బ్రాండ్ తో పిలవబడే ఈ చొక్కాఇప్పుడు ఆన్‌లైన్‌లో అందుబాటులో ఉండగా, దీని విలువ దాదాపుగా 85 వేల వరకు ఉంటుందని అంచనా. ఒక్క చొక్కాకి అంత డబ్బులు పెట్టి ఎన్టీఆర్ కొనుగోలు చేశాడు కాని మధ్యతరగతి కుటుంబానికి చెందిన వాళ్ళు కొనగలరా చెప్పండి. ఏదేమైన ఎన్టీఆర్ రేంజే వేరు అంటూ నెటిజన్స్ కామెంట్స్ చేస్తున్నారు.
ఎన్టీఆర్ వాచ్ ల కోసం కూడా కోట్లు ఖర్చు చేస్తుంటారు. గతంలో ఎన్టీఆర్ కలెక్షన్ లో రెండు కోట్ల వాచ్ ను పెట్టుకోవడం చూశాం.ఆ త‌ర్వాత 7 కోట్ల 47 లక్షల రూపాయ‌ల వాచ్‌ని కూడా ధరించాడు. ఇక కార్ల‌కి అయితే ఎన్ని కోట్లు ఖర్చు పెట్టాడో ప్ర‌త్యేకంగా చెప్ప‌న‌క్క‌ర్లేదు. ఎన్టీఆర్ గ్యారేజ్‌లో ఖ‌రీదైన కార్లు చాలానే ఉన్నాయి. మొత్తానికి క‌ష్ట‌ప‌డి బాగానే సంపాదిస్తున్న ఎన్టీఆర్ మంచి లగ్జరీ లైఫ్‌ని ఎంజాయ్ చేస్తున్నారు. ఇక ఇటీవ‌ల వార్ 2 షూటింగ్ పూర్తి చేసిన ఎన్టీఆర్, త్వరలో ప్రశాంత్ నీల్ సినిమాను స్టార్ట్ చేయబోతున్నట్టు తెలుస్తోంది. అంతే కాదు దేవర 2 కూడా ప్లాన్ చేస్తున్నారట. మరి ఈ రెండు సినిమాల షూటింగ్స్ ను ఆయన ఎలా బ్యాలన్స్ చేస్తారు అనేది చూడాలి.
