Chalapathi Rao | వీడియో కాల్‌లో చలపతిరావును చివరి చూపు చూసిన జూ.ఎన్టీఆర్‌..!

ఎన్టీఆర్‌ ప్రోత్సాహంతోనే చలపతిరావు ఇండస్ట్రీలోకి అడుగుపెట్టి నటుడిగా, నిర్మాతగా మంచి గుర్తింపు తెచ్చుకున్నాడు. ఇదే విషయాన్ని చలపతిరావు గతంలో ఎన్నో ఇంటర్వూలలో తెలిపాడు. కెరీర్‌ బిగెనింగ్‌ నుండి చలపతిరావు

Chalapathi Rao | సీనియర్‌ నటుడు చలపతిరావు మరణ వార్తతో టాలీవుడ్‌లో విషాదం నెలకొంది. గత కొంత కాలంగా అనారోగ్యంతో బాధపడుతున్న ఆయన.. ఆదివారం తెల్లవారుజామున గుండెపోటు రావడంతో హైదరాబాద్‌లోని తన నివాసంలో తుదిశ్వాస విడిచారు. ఆయన మరణం పట్ల పలువురు టాలీవుడ్‌ సినీ ప్రముఖులు సంతాపం ప్రకటిస్తున్నారు. తాజాగా చలపతిరావు మరణ వార్తపై జూ. ఎన్టీఆర్‌ స్పందించాడు.

ఎన్టీఆర్‌ ప్రోత్సాహంతోనే చలపతిరావు ఇండస్ట్రీలోకి అడుగుపెట్టి నటుడిగా, నిర్మాతగా మంచి గుర్తింపు తెచ్చుకున్నాడు. ఇదే విషయాన్ని చలపతిరావు గతంలో ఎన్నో ఇంటర్వూలలో తెలిపాడు. కెరీర్‌ బిగెనింగ్‌ నుండి చలపతిరావు నందమూరి కుటుంబానికి ఆప్తుడిగా ఉండేవాడు. బాలకృష్ణతో, తారక్‌తో చాలా సినిమాల్లో నటించాడు. అంతేకాకుండా జూ.ఎన్టీఆర్‌.. చలపతిరావును బాబాయి అని ఆప్యాయంగా పిలుస్తాడు. కాగా చలపతిరావు మరణ వార్త తెలియగానే.. అమెరికాలో ఉన్న తారక్‌.. రవిబాబుకు వీడియో కాల్‌ చేసి, ఆయన్ని చివరి చూపు చూశాడు. అనంతరం రవిబాబుకు ధైర్యం చెప్పాడు. ప్రస్తుతం ఈ వీడియో నెట్టింట వైరల్‌గా మారింది.

ఇక చలపతిరావు అంత్యక్రియలు బుధవారం నిర్వహించనున్నట్లు రవిబాబు చెప్పాడు. తన సోదరి అమెరికా నుండి రావాల్సి ఉండటంతో ఈ నిర్ణయం తీసుకున్నట్లు తెలిపాడు. అభిమానుల సందర్శనార్థం చలపతిరావు పార్థీవ దేహాన్ని రవిబాబు ఇంట్లోనే ఉంచనున్నారు.

.@tarak9999 Anna video call to Ravi Babu garu For #ChalapathiRao Babai garu 😥#ripchalapathiraogaruhttps://t.co/aAG67JKADV

— Vizianagaram NTR Fans 🔰🌊 (@vzmNTRfans) December 25, 2022