Jigarthanda-2 Movie | ‘గేమ్ చేంజర్’ స్టోరీ రైటర్ కార్తిక్ సుబ్బరాజు దర్శకత్వం వహిస్తున్న ‘జిగర్తండ’ సీక్వెల్ ప్రస్తుతం శరవేగంగా షూటింగ్ జరుపుకుంటుంది. లారెన్స్ హీరోగా నటిస్తున్న ఈ సినిమా దీపావళి పండగను లాక్ చేసుకుంది. ఇప్పటికే రిలీజైన గ్లింప్స్ ప్రేక్షకుల్లో మాములు అంచనాలు క్రియేట్ చేయలేదు. ఎప్పుడెప్పుడు సినిమా రిలీజవుతుందా అని అందరూ అమితాసక్తితో ఎదురు చూస్తున్నారు. ఇక ఇదిలా ఉంటే మేకర్స్ తాజాగా ఈ సినిమాకు సంబంధించిన ఓ క్రేజీ అప్డేట్ను ప్రకటించింది.
ఈ సినిమాకు టీజర్ను సెప్టెంబర్ 11న రిలీజ్ చేస్తున్నట్లు వెల్లడించింది. అంతేకాకుండా ఇది టీజర్కు మించి ఉంటుదని ఓ స్పెషల్ పోస్టర్ను రిలీజ్ చేసింది. ఓ వైపు లారెన్స్ ఏనుగుపై కూర్చుని తుపాకీ పట్టుకుంటే.. మరోవైపు సూర్య కెమెరాను పట్టుకున్నాడు. పోస్టర్తోనే సినిమాపై మంచి క్యూరియాసిటీ క్రియేట్ అయింది. ఇక ఈ సినిమాకు జిగర్తండ డబుల్ ఎక్స్ అనే పేరుతో తమిళ, తెలుగు భాషల్లో ఏకకాలంలో రిలీజ్ చేయనున్నారు.
ఇక ఈ సినిమా తొలిపార్టు ‘జిగర్తండ’.. 2014లో రిలీజై తమిళనాడులో సెన్సేషన్ క్రియేట్ చేసింది. అదే సినిమాతో తెలుగులో ‘చిక్కడు దొరకడు’ టైటిల్తో డబ్ చేయగా.. ఇక్కడ పెద్దగా ఆడలేదు. అయితే 2019లో ఈ సినిమా కథను కాస్త అటు ఇటు తప్పి హరీష్ శంకర్, వరుణ్ తేజ్తో ‘గద్దలకొండ గణేష్’గా రీమేక్ చేశాడు. ఈ సినిమా వరుణ్కు మాస్లో మంచి పాపులారిటీ తెచ్చిపెట్టింది. ఇక హిందీలోనూ ఈ సినిమాను అక్షయ్ కుమార్ ‘బచ్చన్ పాండే’గా రీమేక్ చేశాడు. కానీ అక్కడ డిజాస్టర్గా మిగిలింది.