Sivakarthikeyan | సుధా కొంగర ‘పురాణనూరు’లో అమరన్‌ హీరో

‘అమరన్‌'తో భారీ విజయాన్ని అందుకున్నారు తమిళహీరో శివకార్తికేయన్‌. ఇప్పటికే ఈ సినిమా మూడొందల కోట్ల మార్కును దాటి విజయవంతంగా ప్రదర్శించబడుతున్నది. ఈ సినిమాతో శివకార్తికేయన్‌ క్రేజ్‌ కూడా పానిండియా స్థాయికి చేరిందని చెప్పొచ్చు.

Sivakarthikeyan | ‘అమరన్‌’తో భారీ విజయాన్ని అందుకున్నారు తమిళహీరో శివకార్తికేయన్‌. ఇప్పటికే ఈ సినిమా మూడొందల కోట్ల మార్కును దాటి విజయవంతంగా ప్రదర్శించబడుతున్నది. ఈ సినిమాతో శివకార్తికేయన్‌ క్రేజ్‌ కూడా పానిండియా స్థాయికి చేరిందని చెప్పొచ్చు. దీంతో శివకార్తికేయన్‌ నెక్ట్స్‌ సినిమాపై ఆడియన్స్‌లో ఆసక్తి నెలకొన్నది. ‘ఆకాశం నీ హద్దురా’ చిత్రంతో కమర్షియల్‌ సక్సెస్‌ని అందుకోవడంతోపాటు విమర్శకుల ప్రశంసలందుకున్న దర్శకురాలు సుధా కొంగర దర్శకత్వంలో శివకార్తికేయన్‌ నెక్ట్స్‌ సినిమా చేయనున్నారు.

‘పురాణనూరు’ అనే ఓ సోషియో పొలిటికల్‌ థ్రిల్లర్‌ కథను ఈ సినిమాకోసం ఆమె సిద్ధం చేశారు. శ్రీలీల కథానాయికగా ఎంపికయ్యారు. ఇదిలావుంటే.. కథ రిత్యా ఇందులో రెండు కీలక పాత్రలున్నాయట. అందులో ఒకటి విలన్‌ తరహా పాత్ర అట. హీరోలు చేస్తేనే వాటికి న్యాయం జరుగుతుందట. అందుకే.. విలన్‌ తరహా పాత్ర కోసం విశాల్‌ని కలిశారట సుధ కొంగర. అయితే.. ఆమె ప్రతిపాదనను విశాల్‌ సున్నితంగా తిరస్కరించారట. ఈ క్రమంలోనే ‘జయం’రవిని కూడా ఆమె కలిశారట. ఆయన ఓకే చెప్పారనేది చెన్నై టాక్‌. అయితే.. జయం రవి ఒప్పుకున్నది విశాల్‌ చేయనన్న పాత్రనా? లేక మరో పాత్రనా? అనేది తెలియాల్సివుంది.