Baby John | గత ఏడాది జవాన్ సినిమాతో బ్లాక్ బస్టర్ అందుకున్నాడు తమిళ దర్శకుడు అట్లీ. బాలీవుడ్ బాద్షా షారుఖ్ ఖాన్ హీరోగా వచ్చిన ఈ చిత్రం ప్రపంచవ్యాప్తంగా రూ.1100 కోట్లకు పైగా వసూళ్లు రాబట్టింది. అయితే ఈ సినిమా అనంతరం తన తదుపరి ప్రాజెక్ట్ను అనౌన్స్ చేశాడు అట్లీ. బాలీవుడ్ నటుడు వరుణ్ ధావన్ హీరోగా రాబోతున్న తాజా చిత్రం బేబీజాన్. ఈ సినిమాకు తమిళ దర్శకుడు కాలీస్ దర్శకత్వం వహిస్తుండగా.. సినీ1స్టూడియోస్, జియో స్టూడియోస్తో కలిసి ప్రియఅట్లీ(అట్లీ సతీమణి) సంయుక్తంగా నిర్మిస్తుంది. ఇక ఈ మూవీలో టాలీవుడ్ స్టార్ హీరోయిన్ కీర్తి సురేష్, వామిక గబ్బి కథనాయికలుగా నటిస్తున్నారు.
తాజాగా ఈ మూవీకి సంబంధించిన ఇంట్రో వీడియోను మేకర్స్ విడుదల చేశారు. ఇక ఈ ఇంట్రో చూస్తే.. వరుణ్ ధావన్ సింహాసనంపై కుర్చుని ఉండగా.. ఫుల్ యాక్షన్ ఎంటర్టైనర్గా రానున్నట్లు తెలుస్తుంది. ఇక ఈ సినిమాకు థమన్ సంగీతం అందించనున్నాడు. కాగా.. ఈ మూవీకి సంబంధించి మరిన్ని వివరాలు మేకర్స్ త్వరలోనే ప్రకటించానున్నారు.