యంగ్‌ టైగర్‌ ఎన్టీఆర్‌తో నటించాలని ఉంది: జాన్వీ కపూర్‌

Janhvi Kapoor | అలనాటి అందాల తార శ్రీదేవి వారసురాలిగా ఇండస్ట్రీకి పరిచయమైన నటి జాన్వీ కపూర్‌. కమర్షియల్‌ చిత్రాలకు భిన్నంగా కొత్త బాటలో పయనిస్తూ బాలీవుడ్‌లో మంచి అవకాశాలను దక్కించుకుంటోంది. కాగా, జాన్వీకి తన తల్లి మాదిరిగానే దక్షిణాది చిత్రాల్లో నటించాలని ఉందట. ఈ విషయాన్ని ఇప్పటికే ఆమె తండ్రి బోనీ కపూర్ చెప్పాడు కూడా. తాజాగా ఓ ఇంటర్వ్యూలో జాన్వీ కూడా తన మనసులోని మాట బయటపెట్టింది.

Janhvi Kapoor | అలనాటి అందాల తార శ్రీదేవి వారసురాలిగా ఇండస్ట్రీకి పరిచయమైన నటి జాన్వీ కపూర్‌. కమర్షియల్‌ చిత్రాలకు భిన్నంగా కొత్త బాటలో పయనిస్తూ బాలీవుడ్‌లో మంచి అవకాశాలను దక్కించుకుంటోంది. కాగా, జాన్వీకి తన తల్లి మాదిరిగానే దక్షిణాది చిత్రాల్లో నటించాలని ఉందట. ఈ విషయాన్ని ఇప్పటికే ఆమె తండ్రి బోనీ కపూర్ చెప్పాడు కూడా. తాజాగా ఓ ఇంటర్వ్యూలో జాన్వీ కూడా తన మనసులోని మాట బయటపెట్టింది.

టాలీవుడ్ యువ నటుల్లో అందరూ తనకు ఇష్టమైనవారే అని.. అయితే, ముఖ్యంగా తనకు అవకాశం వస్తే మాత్రం యంగ్ టైగర్ ఎన్టీఆర్‌తో కలిసి ఒక సినిమా చేయాలని ఉందని తన మనసులోని మాటను బయటపెట్టింది ఈ బీటౌన్‌ సుందరి‌‌. సౌత్ సినిమాలను తాను తప్పకుండా చూస్తుంటానని చెప్పింది. ఈ మధ్య కాలంలో వచ్చిన ‘ఆర్‌ ఆర్‌ ఆర్‌’ చిత్రం తనకెంతో నచ్చిందని జాన్వీ చెప్పుకొచ్చింది. ఈ సినిమాలో జూనియర్‌ ఎన్టీఆర్‌, రామ్‌ చరణ్‌ నటన అద్భుతంగా ఉందంటూ ప్రశంసించింది.