ప్రతి రోజూ ఓ యుద్ధమే!

‘విజయానికి దగ్గరి దారులు లేవు. అవకాశాల్ని సద్వినియోగం చేసుకొని నిరంతరం శ్రమిస్తుంటే తప్పకుండా ఏదో ఒక రోజు మన కలలు సాకారమవుతాయి’ అని చెప్పింది జాన్వీ కపూర్‌. ఈ భామ నటించిన తాజా చిత్రం ‘మిలీ’ ఈ నెల 4న విడుదలకానుంది.

‘విజయానికి దగ్గరి దారులు లేవు. అవకాశాల్ని సద్వినియోగం చేసుకొని నిరంతరం శ్రమిస్తుంటే తప్పకుండా ఏదో ఒక రోజు మన కలలు సాకారమవుతాయి’ అని చెప్పింది జాన్వీ కపూర్‌. ఈ భామ నటించిన తాజా చిత్రం ‘మిలీ’ ఈ నెల 4న విడుదలకానుంది. మలయాళ చిత్రం ‘హెలెన్‌’కు రీమేక్‌ ఇది. ఈ సందర్భంగా మాట్లాడిన జాన్వీకపూర్‌ తన వ్యక్తిగత జీవితం గురించి ఆసక్తికరమైన విషయాల్ని పంచుకుంది. ఘనమైన సినీ నేపథ్యం ఉన్న కుటుంబం నుంచి రావడం వల్ల నిత్యం విమర్శలు చేస్తుంటారని, వాటి వల్ల మానసికంగా డిస్టర్బ్‌ అవుతున్నానని చెప్పింది.

‘మంచి బ్యాక్‌గ్రౌండ్‌ ఉంది కాబట్టే అవకాశాలొస్తున్నాయనే మాటలు విన్నప్పుడల్లా కొంచెం బాధగా అనిపిస్తుంది. సినీ నేపథ్యం రెండుమూడు అవకాశాల వరకే పనిచేస్తుంది. ఆ తర్వాత స్వయంప్రతిభతో రాణించాల్సిందే. విమర్శకులకు సమాధానం చెప్పాలనే కసితో కష్టపడి పనిచేస్తుంటా. నన్ను నేను నిరూపించుకోవడానికి ప్రతి రోజూ ఓ యుద్ధమే చేస్తున్నా’ అని చెప్పింది జాన్వీకపూర్‌.