Thalapathy Kacheri | విజ‌య్ ‘జ‌న‌నాయ‌గ‌న్’ ఫ‌స్ట్ సింగిల్‌ ‘త‌ల‌ప‌తి క‌చేరీ’ విడుద‌ల‌

Jana Nayagan | కోట్లాది మంది అభిమానులు ఎంతో ఆసక్తిగా ఎదురుచూస్తున్న తలపతి విజ‌య్ 'జ‌న‌నాయ‌గ‌న్' (Jana Nayagan) సినిమా నుండి మొదటి పాట (First single) విడుదలైంది.

Jana Nayagan | కోట్లాది మంది అభిమానులు ఎంతో ఆసక్తిగా ఎదురుచూస్తున్న తలపతి విజ‌య్ ‘జ‌న‌నాయ‌గ‌న్’ (Jana Nayagan) సినిమా నుండి మొదటి పాట (First single) విడుదలైంది. ‘త‌ల‌ప‌తి క‌చేరీ’ (Thalapathy Kacheri) అంటూ సాగే ఈ మాస్ సాంగ్‌ని శనివారం సాయంత్రం విడుద‌ల చేయ‌గా.. విడుదలైన కొద్దిసేపట్లోనే సోషల్ మీడియాలో వైరల్‌గా మారింది. యువ సంగీత సంచలనం అనిరుధ్ రవిచందర్ (Anirudh Ravichander) ఈ పాటను తనదైన స్టైల్‌లో అదిరిపోయే బీట్స్‌తో స్వరపరిచారు. ఈ పాటలో విజ‌య్ తన గొంతు వినిపించగా, అనిరుధ్, అరివు కూడా కలిసి పాడారు. అనిరుధ్ ఎనర్జిటిక్ మ్యూజిక్ మరియు విజయ్ గ్రేస్ కలయికతో ఈ పాట థియేటర్లలో ప్రేక్షకులను ఉర్రూతలూగించడం ఖాయమని అభిమానులు ధీమా వ్యక్తం చేస్తున్నారు. ఈ పాట వీడియోలో తలపతి విజ‌య్ గత బ్లాక్‌బ‌స్ట‌ర్ సినిమాలైన ‘ఘిల్లీ’, ‘తుపాకీ’, ‘మెర్సల్’, ‘మాస్టర్’ వంటి చిత్రాలలోని తన ప్రసిద్ధ డ్యాన్స్ స్టెప్స్, సిగ్నేచర్ మూమెంట్స్‌ని గుర్తుచేస్తూ స్టెప్పులేయడం అభిమానులను మరింతగా ఉర్రూతలూగిస్తోంది.

మాస్ చిత్రాల దర్శకుడు హెచ్. వినోద్ (H. Vinoth) ఈ సినిమాకు దర్శకత్వం వహిస్తుండ‌గా.. పూజా హెగ్డే (Pooja Hegde) కథానాయికగా నటిస్తుంది. మమితా బైజు ముఖ్య పాత్రలో కనిపించనున్నారు. ఈ సినిమా విజ‌య్ కెరీర్‌లో 69వ సినిమా మాత్రమే కాక, నటనకు ఆయన చివరి చిత్రం కావచ్చనే వార్తలు రావడంతో దీనిపై అంచనాలు ఆకాశాన్ని అంటాయి.