ఆ సినిమా వల్ల ఒరిగిందేంలేదు

మనసులో ఏది ఉంటే దాన్ని కుండబద్దలు చేసేయడం ఫహద్‌ ఫాజిల్‌ ైస్టెల్‌. అయితే.. వీటివల్ల కొందరి మనసులు బాధపడే అవకాశం లేకపోలేదు. తత్ఫలితంగా విమర్శలు కూడా ఎదురవుతాయి. కానీ ఫహద్‌ ఫాజిల్‌ అలాంటివేం పట్టించుకోరు.

మనసులో ఏది ఉంటే దాన్ని కుండబద్దలు చేసేయడం ఫహద్‌ ఫాజిల్‌ ైస్టెల్‌. అయితే.. వీటివల్ల కొందరి మనసులు బాధపడే అవకాశం లేకపోలేదు. తత్ఫలితంగా విమర్శలు కూడా ఎదురవుతాయి. కానీ ఫహద్‌ ఫాజిల్‌ అలాంటివేం పట్టించుకోరు. తాజాగా ఆయన ఇచ్చిన ఓ ఇంటర్‌వ్యూలో ఇలాంటి కామెంట్లే చేశారు. దేశవ్యాప్తంగా సంచలనం సృష్టించిన ‘పుష్ప’ సినిమాలో తన పాత్ర గురించి మాట్లాడుతూ ‘అసలు ‘పుష్ప’ వల్ల నాకు ఒరిగిందేం లేదు. ఆ సినిమా వల్ల నాకు ప్రత్యేకమైన క్రేజు ఏమైనా వచ్చిందా?! అంటే.. అదీ లేదు. అలా అని నేనెవర్నీ తప్పపట్టను. ఈ విషయం డైరెక్ట్‌గా సుకుమార్‌కే చెప్పాను.

నిజానికి ఈ సినిమా సుకుమార్‌పై ఉన్న ప్రేమ, గౌరవం వల్ల చేశాను కానీ.. ఎప్పటికీ నా తొలి ప్రయారిటీ మలయాళం సినిమానే.’ అని తెలిపారు ఫహద్‌ ఫాజిల్‌. నిజానికి ‘పుష్ప’ అతనికి మంచి పేరు తెచ్చిన మాటా వాస్తవం. తను కనిపించింది చివరి 20నిమిషాలే అయినా, రానున్న రెండో పార్ట్‌ కోసం ఆడియన్స్‌ ఎదురు చూసేలా చేసిన ఈ చిత్రంలోని పాత్రల్లో ఆయన పాత్ర కూడా ఒకటి. అంతేకాదు, మలయాళం దాటి, తెలుగు, తమిళ, హిందీ భాషల్లో కూడా ఫహద్‌ పేరు మారుమోగేలా చేసింది ‘పుష్ప’. అలాంటి సినిమా గురించి ఇలా మాట్లాడం కొందరికి బాధ కలిగించిన మాట వాస్తవం.