Indian 2 | అదరగొట్టిన అనిరుధ్.. క‌మ‌ల్ హాస‌న్ ‘ఇండియన్-2’ ఆడియో రిలీజ్

Indian 2 | కోలీవుడ్ నుంచి వ‌స్తున్న మోస్ట్ అవైటెడ్ ప్రాజెక్ట్‌ల్లో క‌మ‌ల్ హాస‌న్ ‘ఇండియన్ 2’ (Indian 2) ఒక‌టి. బ్లాక్ బ‌స్ట‌ర్ చిత్రం ‘భారతీయుడు చిత్రానికి సీక్వెల్‌గా వ‌స్తున్న ఈ సినిమాకు శంకర్‌ (Shankar) ద‌ర్శ‌క‌త్వం వ‌హిస్తున్నాడు. ఇప్ప‌టికే ఇండియన్‌ 2 గ్లింప్స్‌ (AN INTRO) ను విడుదల చేయగా.. నెట్టింట వైరల్ అవుతోంది.

Indian 2 | కోలీవుడ్ నుంచి వ‌స్తున్న మోస్ట్ అవైటెడ్ ప్రాజెక్ట్‌ల్లో క‌మ‌ల్ హాస‌న్ ‘ఇండియన్ 2’ (Indian 2) ఒక‌టి. బ్లాక్ బ‌స్ట‌ర్ చిత్రం ‘భారతీయుడు చిత్రానికి సీక్వెల్‌గా వ‌స్తున్న ఈ సినిమాకు శంకర్‌ (Shankar) ద‌ర్శ‌క‌త్వం వ‌హిస్తున్నాడు. ఇప్ప‌టికే ఇండియన్‌ 2 గ్లింప్స్‌ (AN INTRO) ను విడుదల చేయగా.. నెట్టింట వైరల్ అవుతోంది. అయితే పలుమార్లు వాయిదా పడుతూ వచ్చిన సినిమా ఎట్టకేలకు రిలీజ్‌ డేట్ లాక్ చేసుకుంది. 2024 జులై 12న ఈ మూవీ ప్రేక్ష‌కుల ముందుకు రానున్న‌ట్లు చిత్ర‌బృందం ప్ర‌క‌టించింది. ఇదిలావుంటే.. తాజాగా ఈ మూవీ ఆడియో జ్యూక్‌ బాక్స్‌ని మేక‌ర్స్ విడుద‌ల చేశారు. అనిరుధ్ ర‌విచంద‌ర్ మ్యూజిక్ అందించిన ఈ ఆల్బ‌మ్ 6 పాట‌ల‌తో ప్ర‌స్తుతం సోష‌ల్ మీడియాలో దూసుకుపోతుంది.

కమల్- శంకర్ కాంబినేషన్‌లో 1996లో రిలీజైన ‘భారతీయుడు చిత్రం ఎంత పెద్ద స‌క్సెస్ అయ్యిందో ప్ర‌త్యేకంగా చెప్ప‌న‌క్క‌ర్లేదు. ఇక ఈ సినిమా విడుద‌లైన 28 ఏండ్ల త‌ర్వాత దీనికి సీక్వెల్ రాబోతుండ‌డంతో మూవీపై భారీ అంచ‌నాలు ఉన్నాయి. కాజల్ అగర్వాల్, రకుల్ ప్రీత్ సింగ్, ప్రియా భవానీ శంకర్, ఎస్జే సూర్య, సిద్దార్థ్, గుల్షన్ గ్రోవర్‌లు కీల‌క పాత్ర‌ల్లో న‌టిస్తున్న ఈ చిత్రాన్ని లైకా ప్రొడక్షన్స్ -రెడ్ జియాంట్ మూవీస్ పై ఉద‌య‌నిధి స్టాలిన్‌-సుభాస్కరన్‌ నిర్మిస్తుండగా.. అనిరుధ్ ర‌విచంద‌ర్ మ్యూజిక్‌, బ్యాక్‌ గ్రౌండ్ స్కోర్‌ అందిస్తున్నాడు.