ముంబై: పాకిస్థాన్లో సూపర్ హిట్ కొట్టిన ద లెజెండ్ ఆఫ్ మౌలా జాట్ సినిమా రిలీజ్ను ఇండియాలో నిలిపివేశారు. వాస్తవానికి ఆ సినిమా ఇవాళ ఇండియన్ థియేటర్లలో రిలీజ్ కావాల్సి ఉంది. దీంట్లో ఫవద్ ఖాన్, మహిరా ఖాన్లు నటించారు. ఇండియాలో ఈ సినిమా రిలీజ్ను వాయిదా వేస్తున్నట్లు ఐనాక్స్ ఓ ప్రకటనలో తెలిపింది.
యాక్షన్ మూవీ స్టయిల్లో ద లెజెండ్ ఆఫ్ మౌలా జాట్ సినిమాను రూపొందించారు. అక్టోబర్ 13న ఆ సినిమా పాక్లో విడుదలైంది. అయితే ఇండియాలో ఇవాళ రిలీజ్ కావాల్సి ఉండగా, దాన్ని వాయిదా వేశారు. ఇంకా ఆ సినిమా రిలీజ్కు సంబంధించిన కొత్త డేట్ను విడుదల చేయలేదు.
సినిమా రిలీజ్ను వాయిదా వేస్తున్న విషయాన్ని డిస్ట్రిబ్యూటర్లు తెలియజేసినట్లు ఐనాక్స్ తెలిపింది. రెండు రోజుల క్రితమే ఈ విషయాన్ని చెప్పినట్లు తెలిపారు. బిలాల్ లాషరి ఈ సినిమాను డైరెక్ట్ చేశాడు. 1979లో రిలీజైన మౌలా జాట్ చిత్రానికి అనువాదంగా చెబుతున్నారు. ప్రస్తుతం ద లెజెండ్ ఆఫ్ మౌలా జాట్ చిత్రం స్వల్ప సమయంలోనే 10 మిలియన్ల డాలర్లు వసూల్ చేసింది. ఇండియాలో రిలీజైన చివరి పాకిస్థానీ చిత్రం బోల్ (2011). ఆ ఫిల్మ్లో మహిర నటించారు.