స్టైలిష్ యాక్టింగ్తో వరల్డ్ వైడ్గా కోట్లాదిమంది అభిమానులను సంపాదించుకున్నాడు బాలీవుడ్ (Bollywood) స్టార్ హీరో షారుఖ్ ఖాన్ (Shah Rukh Khan). సూపర్ ఫ్యాన్ ఫాలోయింగ్ సంపాదించుకున్న ఈ టాలెంటెడ్ సెలబ్రిటీ 2018లో జీరో సినిమాతో ప్రేక్షకుల ముందుకొచ్చాడు. అయితే ఈ చిత్రం బాక్సాఫీస్ వద్ద బోల్తా కొట్టింది. ఆ తర్వాత నాలుగేళ్లకు మళ్లీ పఠాన్తో బాక్సాఫీస్ను షేక్ చేస్తున్నాడు షారుఖ్ ఖాన్.
ఇక తన క్రేజ్ తగ్గిపోయిందనుకునేవాళ్లకు పఠాన్ సినిమాతో క్లారిటీ ఇచ్చేశాడు షారుఖ్ ఖాన్. ఈ స్టార్ యాక్టర్ సోషల్ మీడియాలో అభిమానులు, నెటిజన్లతో చిట్ చాట్ చేశాడు. ఓ నెటిజన్ షారుఖ్ ఖాన్ను రిటైర్మెంట్ ప్లాన్ గురించి అడిగాడు. దీనికి షారుఖ్ ఖాన్ స్పందిస్తూ.. నేను యాక్టింగ్ నుంచి ఎప్పటికీ రిటైర్ అవ్వను. యాక్టింగ్ నుంచి నన్నెవరైనా తీసేస్తే తప్ప.. ఒకవేళ అప్పుడు కూడా నేను చాలా కసిగా తిరిగొస్తా.. ఇది నిజం అంటూ క్లారిటీ ఇచ్చాడు.
ఈ రిప్లైతో షారుఖ్ ఖాన్ ఇక భవిష్యత్లో బ్యాక్ టు బ్యాక్ సినిమాలతో ఫుల్ ఎంటర్టైన్మెంట్ అందించడం ఖాయమని అర్థమవుతుంది. పఠాన్ గ్లోబల్ బాక్సాఫీస్ వద్ద మంచి వసూళ్లు రాబట్టి టాక్ ఆఫ్ ది ఇండస్ట్రీగా నిలిచింది. పఠాన్లో బాలీవుడ్ భామ దీపికా పదుకొనే ఫీ మేల్ లీడ్ రోల్లో నటించగా.. జాన్ అబ్రహాం నెగెటివ్ షేడ్స్ ఉన్న పాత్రలో నటించాడు. సల్మాన్ ఖాన్ గెస్ట్ రోల్లో నటించాడు. యశ్ రాజ్ ఫిలిమ్స్ బ్యానర్ భారీ బడ్జెట్తో పఠాన్ ను తెరకెక్కించింది.
I will never retire from acting…I will have to be fired…and maybe even then I will come back hotter!! https://t.co/YHSQZ3ndub
— Shah Rukh Khan (@iamsrk) February 20, 2023