సుబ్బు, శ్రీవల్లి జంటగా నటించిన సినిమా ‘ఐ హేట్ లవ్’. రావి ఆర్ట్ ప్రొడక్షన్స్ పతాకంపై డాక్టర్ బాల రావి (యు.ఎస్.ఏ) నిర్మించారు. వెంకటేశ్.వి దర్శకత్వం వహించిన ఈ చిత్రం ఈ నెల 16న విడుదల కానుంది. ఈ సందర్భంగా బుధవారం హైదరాబాద్లోని ప్రసాద్ ల్యాబ్లో ప్రీ రిలీజ్ ఈవెంట్ నిర్వహించారు.
ఈ సందర్భంగా నిర్మాత మాట్లాడుతూ 47 ఏళ్ల క్రితం ఇండియా వదిలి వెళ్లిన తాను మంచి సినిమా చేద్దామని తిరిగి వచ్చానని చెప్పారు. ప్రేమకథగా తెరకెక్కించిన ఈ సినిమాలో సోషల్ మీడియా వల్ల కుటుంబాలు ఎలా నాశనం అవుతున్నాయనే విషయం అంతర్లీనంగా ఉంటుందని తెలిపారు. గోదావరి విలేజ్ బ్యాక్డ్రాప్లో ఈ చిత్రాన్ని తెరకెక్కించామన్నారు. “ఐ హేట్ లవ్’ ట్రీట్మెంట్ చాలా డిఫరెంట్గా ఉంటుందని దర్శకుడు అన్నారు. ఈ చిత్రానికి కెమెరా మెన్స్: వాసు నాయక్, ఫణి, సంగీతం: పెద్దపల్లి రోహిత్ (పి.ఆర్).