సందేశాత్మకంగా ‘హుషార్‌ పిట్టలు’

అన్షు, వాసవి గణేషన్‌ జంటగా తెరకెక్కుతున్న చిత్రం ‘హుషార్‌ పిట్టలు’. బిక్షు దర్శకత్వం వహిస్తున్న ఈ చిత్రానికి వెంకట్‌ యాదవ్‌ దర్శకుడు. ఈ నెల 15న ప్రేక్షకుల ముందుకురానుంది.

అన్షు, వాసవి గణేషన్‌ జంటగా తెరకెక్కుతున్న చిత్రం ‘హుషార్‌ పిట్టలు’. బిక్షు దర్శకత్వం వహిస్తున్న ఈ చిత్రానికి వెంకట్‌ యాదవ్‌ దర్శకుడు. ఈ నెల 15న ప్రేక్షకుల ముందుకురానుంది. ట్రైలర్‌ను ఈ నెల 10న రిలీజ్‌ చేయబోతున్నారు. ఈ సందర్భంగా ఇటీవల ఏర్పాటు చేసిన సమావేశంలో దర్శకుడు మాట్లాడుతూ …ట్రైలర్‌ చూసిన తర్వాత ఈ సినిమాకు మరింత పాజిటివ్‌ వైబ్‌ వస్తుందని ఆశాభావం వ్యక్తం చేశారు. ఇటీవల విడుదల చేసిన ప్రచార చిత్రాలకు అద్భుతమైన స్పందన లభించిందని, ప్రేక్షకులు పెట్టే డబ్బులకు వందశాతం న్యాయం చేసే సినిమా ఇదని నిర్మాత వెంకట్‌ యాదవ్‌ పేర్కొన్నారు. ఈ సినిమా చూస్తూ కొన్ని సన్నివేశాల్లో భావోద్వేగాన్ని ఆపుకోలేక ఏడ్చానని, తన కెరీర్‌ను కూడా మలుపుతిప్పుతుందనే నమ్మకం ఉందని సంగీత దర్శకుడు చరణ్‌అర్జున్‌ అన్నారు. సందేశం కలబోసిన కమర్షియల్‌ చిత్రమిదని, పతాక ఘట్టాలు హృదయానికి హత్తుకుంటాయని నిర్మాత బెక్కెం వేణుగోపాల్‌ తెలిపారు. ఈ కార్యక్రమంలో చిత్ర యూనిట్‌ సభ్యులందరూ పాల్గొన్నారు.