బాలీవుడ్ సూపర్హిట్ సిరీస్లలో ఒకటి ‘క్రిష్’. హృతిక్ రోషన్ను యాక్షన్ హీరోగా నిలబెట్టిన ఈ సిరీస్లో తొలి సినిమా ‘కోయి మిల్ గయా’ (2003), ‘క్రిష్’ (2006), ‘క్రిష్ 3’ (2013)లో విడుదలవగా…ప్రస్తుతం నాలుగో సినిమా ‘క్రిష్ 4’ సన్నాహాల్లో ఉంది. గత చిత్రాలను హృతిక్ తండ్రి రాకేష్ రోషన్ డైరెక్ట్ చేయగా..‘క్రిష్ 4’ను ఎవరు తెరకెక్కిస్తారనేది ఆసక్తిని కలిగించింది.
తాజాగా ఈ సినిమాకు దర్శకుడిని నిర్ణయించినట్లు సమాచారం. ఇటీవల షారుఖ్తో ‘పఠాన్’ వంటి సూపర్ హిట్ను రూపొందించిన దర్శకుడు సిద్ధార్థ్ ఆనంద్ క్రిష్ సిరీస్ కొత్త సినిమాకు దర్శకత్వ బాధ్యతలు వహిస్తారట. సిద్ధార్థ్ హృతిక్తో గతంలో ‘వార్’ అనే హిట్ సినిమాను రూపొందించగా..ప్రస్తుతం ఈ కాంబినేషన్లో ఫైటర్ తెరకెక్కుతున్నది.