హృతిక్ రోషన్ కథానాయకుడిగా నటిస్తున్న ‘ఫైటర్’ చిత్రం దేశవ్యాప్తంగా ప్రేక్షకుల్లో ఆసక్తినిరేకెత్తిస్తున్నది. సిద్ధార్థ్ ఆనంద్ దర్శకత్వం వహిస్తున్నారు. ఈ సినిమాలో యుద్ధ విమానాన్ని నడిపించే పైలట్ పాత్రలో హృతిక్రోషన్ కనిపించనున్నారు. యాక్షన్, దేశభక్తి అంశాల కలబోతగా భారీ వ్యయంతో ఈ చిత్రాన్ని రూపొందిస్తున్నారు. ఈ సినిమా షూటింగ్లో ఇండియన్ ఎయిర్ఫోర్స్ క్యాడెట్స్ పాల్గొంటున్నారు. ఢిల్లీతో పాటు హైదరాబాద్లో దుండిగల్ ఎయిర్ఫోర్స్ అకాడమీ నుంచి కొంతమంది ఎయిర్ ఫోర్స్ క్యాడెట్స్లను ఈ సినిమా కోసం ఎంపిక చేసుకున్నారు.
సన్నివేశాల్లో సహజత్వాన్ని తీసుకురావాలనే ఉద్దేశ్యంతో రియల్ ఫైటర్స్ను ఎంపిక చేసుకున్నామని దర్శకుడు తెలిపారు. ఇందుకోసం ఎయిర్ఫోర్స్ అధికారుల నుంచి ప్రత్యేక అనుమతులు తీసుకున్నామని ఆయన పేర్కొన్నారు. భారతదేశ తొలి గగనతల యాక్షన్ ఫిల్మ్గా ‘ఫైటర్’ ప్రత్యేకతను సంపాదించుకుంది. వచ్చే ఏడాది జనవరిలో ఈ చిత్రం ప్రేక్షకుల ముందుకురానుంది.