ఇలా చూసి ఉండరు

సూర్య నటిస్తున్న 42వ సినిమాతో కోలీవుడ్‌లో అడుగుపెడుతున్నది హిందీ తార దిశా పటానీ. చారిత్రక నేపథ్యంతో భారీ యాక్షన్‌ ఎంటర్‌టైనర్‌గా రూపొందుతున్న ఈ సినిమా పది భాషల్లో త్రీడీ ఫార్మేట్‌లో రిలీజ్‌ కానుంది.

సూర్య నటిస్తున్న 42వ సినిమాతో కోలీవుడ్‌లో అడుగుపెడుతున్నది హిందీ తార దిశా పటానీ. చారిత్రక నేపథ్యంతో భారీ యాక్షన్‌ ఎంటర్‌టైనర్‌గా రూపొందుతున్న ఈ సినిమా పది భాషల్లో త్రీడీ ఫార్మేట్‌లో రిలీజ్‌ కానుంది. ఈ సినిమాలో అవకాశం రావడం ఉద్వేగంగా ఉందని చెప్పుకున్నది దిశా పటానీ. ఈ చిత్రం గురించి ఆమె మాట్లాడుతూ..‘ఇలాంటి భారీ ప్రాజెక్ట్‌లో అవకాశం దక్కడం అదృష్టంగా భావిస్తున్నా. లార్జర్‌ దేన్‌ లైఫ్‌ ఎలిమెంట్స్‌తో ప్రేక్షకులకు సరికొత్త అనుభూతిని ఈ సినిమా అందిస్తుందని చెప్పగలను. ఇప్పటిదాకా నేను కనిపించని సరికొత్త పాత్రలో నటిస్తున్నాను. నా క్యారెక్టర్‌ వైవిధ్యంగా ఉంటుంది’ అని చెపింది.

ఈ చిత్రాన్ని కేఈ జ్ఞానవేల్‌ రాజా సమర్పణలో యూవీ క్రియేషన్స్‌ పతాకంపై వంశీ ప్రమోద్‌ నిర్మిస్తున్నారు. శివ దర్శకత్వం వహిస్తు న్నారు. ప్రస్తుతం రెగ్యులర్‌ చిత్రీకరణలో ఉన్న ఈ సినిమా మోషన్‌ పోస్టర్‌ ఇటీవలే విడుదలైంది. అత్యున్నత సాంకేతిక విలువలతో ఈ సినిమాను తెరకెక్కిస్తున్నట్లు చిత్ర బృందం చెబుతున్నారు. ఇటీవలే ఏక్‌ విలన్‌ రిటర్స్న్‌ సినిమాతో ప్రేక్షకుల ముందు కొచ్చిన దిశా..ప్రస్తుతం ప్రభాస్‌ సినిమా ప్రాజెక్ట్‌ కె, యోధ, కె టీనా వంటి చిత్రాలతో తీరిక లేకుండా గడుపుతున్నది.