తన కూతురే పంచ ప్రాణాలుగా..

నాని కథానాయకుడిగా నటిస్తున్న తాజా చిత్రం ‘హాయ్‌ నాన్న’. శౌర్యువ్‌ దర్శకుడు. వైర ఎంటర్‌టైన్‌మెంట్స్‌ పతాకంపై మోహన్‌ చెరుకూరి, డాక్టర్‌ విజయేందర్‌ రెడ్డి నిర్మిస్తున్నారు. మృణాల్‌ ఠాకూర్‌ కథానాయికగా నటిస్తున్నది.

నాని కథానాయకుడిగా నటిస్తున్న తాజా చిత్రం ‘హాయ్‌ నాన్న’. శౌర్యువ్‌ దర్శకుడు. వైర ఎంటర్‌టైన్‌మెంట్స్‌ పతాకంపై మోహన్‌ చెరుకూరి, డాక్టర్‌ విజయేందర్‌ రెడ్డి నిర్మిస్తున్నారు. మృణాల్‌ ఠాకూర్‌ కథానాయికగా నటిస్తున్నది. డిసెంబర్‌ 21న ప్రేక్షకుల ముందుకురానుంది. తండ్రీకూతుళ్ల అనుబంధానికి అందమైన దృశ్యరూపంగా ఈ చిత్రాన్ని తెరకెక్కిస్తున్నారు. టీజర్‌ను ఈ నెల 15న విడుదల చేయబోతున్నారు. ఈ సందర్భంగా గురువారం కొత్త పోస్టర్‌ను రిలీజ్‌ చేశారు.

‘ఇటీవల విడుదలైన ‘గాజు బొమ్మ’ అనే పాటకు అద్భుతమైన స్పందన లభిస్తున్నది. హృదయాన్ని స్పృశించే భావోద్వేగాలతో ఈ సినిమా ఆకట్టుకుంటుంది. తన కూతురే సర్వస్వంగా బతికే ఓ తండ్రి కథగా ప్రేక్షకుల్ని ఉద్వేగానికి లోను చేస్తుంది’ అని చిత్ర బృందం పేర్కొంది. పాన్‌ ఇండియా స్థాయిలో ఈ సినిమాను విడుదల చేయబోతున్నారు. ఈ చిత్రానికి కెమెరా: సానుజాన్‌ వర్గీస్‌, సంగీతం: హేషమ్‌ అబ్దుల్‌ వహాబ్‌, ప్రొడక్షన్‌ డిజైనర్‌: అవినాష్‌ కొల్లా, దర్శకత్వం: శౌర్యువ్‌.