హ్యాపీ 340 హంగామా

లావణ్య త్రిపాఠీ ప్రధాన పాత్రలో నటిస్తున్న సినిమా ‘హ్యాపీ బర్త్‌డే’. సత్య, నరేష్‌ అగస్త్య, వెన్నెల కిషోర్‌ ఇతర కీలక పాత్రల్లో కనిపించనున్నారు. ఈ సినిమాకు రితేష్‌రానా దర్శకత్వం వహించారు. క్లాప్‌ ఎంటర్‌టైన్‌మెంట్స్‌ సంస్థ మైత్రీ మూవీ మేకర్స్‌ సంస్థతో కలిసి ఈ చిత్రాన్ని నిర్మిస్తోంది. నవీన్‌ యెర్నేని, రవిశంకర్‌ యలమంచిలి సమర్పణలో చిరంజీవి (చెరీ), హేమలత పెదమల్లు ఈ చిత్రాన్ని నిర్మిస్తున్నారు. ఇటీవల ఈ చిత్రం నుంచి ఒక్కో పాత్రను రివీల్‌ చేస్తూ ఆసక్తి కలిగిస్తున్నారు. వెన్నెల కిషోర్‌ పోషించిన కేంద్రమంత్రి రితిక్‌ సోది, రాహుల్‌ రామకృష్ణ చేసిన గుండా పాత్రలను పరిచయం చేస్తూ విడుదల చేసిన ప్రచార చిత్రాలు ఆకట్టుకున్నాయి. తాజాగా లావణ్య త్రిపాఠీ నటిస్తున్న హ్యాపీ 340 పాత్రను విడుదల చేశారు. ఆమె ఇప్పటిదాకా చేయని వినూత్నమైన క్యారెక్టర్‌ ఇదని తెలుస్తున్నది. ఈ సినిమా జూలై 15న విడుదల కానుంది.