మోస్ట్ ఎలిజిబుల్ బ్యాచ్‌లర్ కుమ్మేస్తున్నాడుగా.. అఖిల్‌ ఫస్ట్ హిట్ కన్ఫర్మ్..

October 17, 2021 / 05:47 PM IST

most eligible bachelor two days collections | అఖిల్ అక్కినేని, పూజా హెగ్డే జంటగా బొమ్మరిల్లు భాస్కర్ తెరకెక్కించిన సినిమా మోస్ట్ ఎలిజిబుల్ బ్యాచ్‌లర్. మంచి అంచనాలతో విడుదలైన ఈ చిత్రానికి టాక్ బాగానే వచ్చింది. దాంతో కలెక్షన్స్ కూడా బాగానే వస్తున్నాయి. గీతా ఆర్ట్స్ 2 బ్యానర్‌లో వాసు వర్మ, బన్నీ వాస్ సంయుక్తంగా సినిమాను నిర్మించారు. అల్లు అరవింద్ సమర్పకుడిగా ఉన్నాడు. ఈ సినిమాతో మొదటి హిట్ కొట్టేస్తున్నాడు అఖిల్. ఆరేళ్లుగా వేచి చూస్తున్న రోజు రానే వచ్చింది. మోస్ట్ ఎలిజిబుల్ బ్యాచ్‌లర్ అన్ని చోట్లా కుమ్మేస్తుంది. రెండో రోజు కూడా 5 కోట్లకు పైగా షేర్ వసూలు చేసింది. బొమ్మరిల్లు తర్వాత ఆ స్థాయి విజయం లేని భాస్కర్ ఈ సినిమాతో మళ్లీ హిట్ ట్రాక్ ఎక్కాడు. కాస్త కన్ఫ్యూజ్ అయినట్లు కనిపించినా కూడా బాక్సాఫీస్ దగ్గర మాత్రం కాసుల వర్షం బాగానే కురిసింది. తొలి 2 రోజుల్లోనే ఈ చిత్రం 70 శాతం పెట్టుబడి వెనక్కి తెచ్చేసింది. ఇదే దూకుడు సాగితే మోస్ట్ ఎలిజిబుల్ బ్యాచ్‌లర్ అఖిల్‌కు మొదటి విజయంగా నిలవడం ఖాయం. ఈ సినిమా 2 రోజుల ఏరియా వైజ్ వసూళ్లు చూద్దాం..

మోస్ట్ ఎలిజిబుల్ బ్యాచ్‌లర్ 2 డేస్ వరల్డ్ వైడ్ కలెక్షన్స్

నైజాం: 4.13 కోట్లు
సీడెడ్: 2.16 కోట్లు
ఉత్తరాంధ్ర: 1.15 కోట్లు
ఈస్ట్: 0.71 కోట్లు
వెస్ట్: 0.64 కోట్లు
గుంటూరు: 0.75 కోట్లు
కృష్ణా: 0.58 కోట్లు
నెల్లూరు: 0.45 కోట్లు

ఏపీ + తెలంగాణ: 10.57 కోట్లు షేర్

రెస్ట్ ఆఫ్ ఇండియా + ఓవర్సీస్: 3.11 కోట్లు

వరల్డ్ వైడ్ 2 డేస్ వరల్డ్ వైడ్ కలెక్షన్స్: 13.67 కోట్లు షేర్

మోస్ట్ ఎలిజిబుల్ బ్యాచ్‌లర్ సినిమాకు రూ. 20.91 కోట్ల బిజినెస్ జరిగింది. రెండు రోజుల్లోనే ఈ చిత్రం రూ. 13.67 కోట్లకు పైగా షేర్ వసూలు చేసింది. మూడో రోజు కూడా సెలవు కావడంతో చాలా చోట్ల హౌజ్ ఫుల్స్ కనిపిస్తున్నాయి. ఆదివారం కూడా కచ్చితంగా 5 కోట్లు షేర్ రావడం ఖాయంగా కనిపిస్తుంది. అంటే మూడు రోజుల్లోనే ఈ చిత్రం 19 కోట్ల వరకు షేర్ వసూలు చేయడం ఖాయం. మరో 2 కోట్లు వసూలు చేస్తే మోస్ట్ ఎలిజిబుల్ బ్యాచ్‌లర్ హిట్ లిస్టులోకి వెళ్లిపోతుందన్నమాట.

లోక‌ల్ టు గ్లోబ‌ల్ వార్త‌ల కోసం.. న‌మ‌స్తే తెలంగాణ ఫేస్‌బుక్‌, ట్విట‌ర్ పేజీల‌ను ఫాలో అవ్వండి