డెవిల్‌ సంగీతం మెప్పిస్తుంది

కల్యాణ్‌రామ్‌ కథానాయకుడిగా అభిషేక్‌ నామా దర్శకత్వంలో తెరకెక్కిన తాజా చిత్రం ‘డెవిల్‌' ఈ నెల 29న ప్రేక్షకుల ముందుకురాబోతున్నది. ఈ సినిమాకు హర్షవర్ధన్‌ రామేశ్వర్‌ సంగీతాన్నందించాడు.

కల్యాణ్‌రామ్‌ కథానాయకుడిగా అభిషేక్‌ నామా దర్శకత్వంలో తెరకెక్కిన తాజా చిత్రం ‘డెవిల్‌’ ఈ నెల 29న ప్రేక్షకుల ముందుకురాబోతున్నది. ఈ సినిమాకు హర్షవర్ధన్‌ రామేశ్వర్‌ సంగీతాన్నందించాడు. ‘అర్జున్‌ రెడ్డి’ ‘యానిమల్‌’ వంటి బ్లాక్‌బస్టర్‌ చిత్రాలకు బీజీఎమ్‌ అందించిన హర్షవర్ధన్‌ రామేశ్వర్‌ అనతికాలంలోనే మంచి పేరు ప్రఖ్యాతులు సంపాదించుకున్నాడు.

గురువారం ఏర్పాటు చేసిన పాత్రికేయుల సమావేశంలో ఆయన మాట్లాడుతూ “డెవిల్‌’ పాటలకు మంచి స్పందన లభిస్తున్నది. ఈ సినిమా 1940 నేపథ్యంలో నడుస్తుంది కాబట్టి సంగీతపరంగా చాలా పరిశోధన చేశాను. పాటలు చాలా కొత్తగా ఉండాలని కల్యాణ్‌రామ్‌ చెప్పారు. కథా నేపథ్యం తగినట్లుగా సంప్రదాయ వాయిద్యాలను ఉపయోగించాం. ఈ సినిమాలో కల్యాణ్‌రామ్‌ నట విశ్వరూపాన్ని చూస్తారు. మ్యూజిక్‌ బేస్డ్‌ మూవీకి దర్శకత్వం వహించాలనుంది. గిటార్‌ ప్రధానంగా నడిచే కథతో పాటు డ్రమ్స్‌ శివమణి కథను తెరపైకి తీసుకురావాలనుకుంటున్నా’ అన్నారు.