Harish Kalyan | ఘనంగా ‘జెర్సీ’ నటుడి వివాహం.. ఫోటోస్‌ వైరల్‌

Harish Kalyan Wedding | కోలీవుడ్‌ యంగ్‌ హీరో హరీష్‌ కళ్యాణ్ శుక్రవారం ఘనంగా వివాహం చేసుకున్నాడు. చెన్నైకి చెందిన ప్రముఖ పారిశ్రామిక వేత్త నర్మద ఉదయ్‌కుమార్‌ను హరీష్ కళ్యాణ్ పెళ్ళి చేసుకున్నాడు.

Harish Kalyan Wedding | కోలీవుడ్‌ యంగ్‌ హీరో హరీష్‌ కళ్యాణ్ శుక్రవారం ఘనంగా వివాహం చేసుకున్నాడు. చెన్నైకి చెందిన ప్రముఖ పారిశ్రామిక వేత్త నర్మద ఉదయ్‌కుమార్‌ను హరీష్ కళ్యాణ్ పెళ్ళి చేసుకున్నాడు. శుక్రవారం తెల్లవారుజామున చెన్నైలోని తిరువేర్కుడు జీపీఎస్‌ ప్యాలెస్‌లో వీరి వివాహం ఘనంగా జరిగింది. ఈ వేడుకకు ఇరు కుటుంబ సభ్యులతో పాటు పలువురు సినీ సెలబ్రెటీలు హాజరై శుభాకాంక్షలు తెలియజేశారు. ప్రస్తుతం వీళ్ల పెళ్ళి ఫోటోలు నెట్టింట తెగ వైరల్‌ అవుతున్నాయి.

‘సింధు సమవేలి’ సినిమాతో తమిళ ఇండస్ట్రీలోకి ఎంట్రీ ఇచ్చిన హరీష్.. అనతికాలంలో వరుస సినిమాలతో కోలీవుడ్‌లో హీరోగా మంచి గుర్తింపు తెచ్చుకున్నాడు. తెలుగులో ఈయన ఉదయ్‌ కిరణ్‌ హీరోగా నటించిన ‘జై శ్రీరామ్‌’ సినిమాలో చిన్న రోల్‌ చేశాడు. మళ్ళీ చాలా కాలం తర్వాత ‘జెర్సీ’లో నాని కొడుకుగా గెస్ట్‌ రోల్‌లో నటించాడు. ప్రస్తుతం ఈయన మూడు సినిమాలను సెట్స్‌పైన ఉంచాడు. ఇక ధోని నిర్మించబోయే సినిమాలో కూడా హీరోగా హరీష్‌ కళ్యాణ్‌ ఎంపికైనట్లు సమాచారం. అంతేకాకుండా హరీష్ కళ్యాణ్‌ తమిళ బిగ్‌బాస్‌ మొదటి సీజన్‌లో రన్నర్‌గా నిలిచాడు. అప్పటి నుండి ఈయనకు కోలీవుడ్‌లో మరింత ఫాలోయింగ్‌ పెరిగింది.

.@iamharishkalyan with his beautiful bride #NarmadaUdayakumar at the sacred wedding ceremony..#HarishKalyanWedding #harishkalyan pic.twitter.com/AmJs0AinGC

— Jaya TV (@JayaTvOfficial) October 28, 2022