Hari Hara Veera Mallu Movie | పవన్ కళ్యాణ్ లైనప్లో హరి హర వీరమల్లు అనే సినిమా ఒకటుందని ప్రేక్షకులు దాదాపుగా మర్చిపోయే స్థితికి వచ్చారు. క్రిష్ జాగర్లమూడి దర్శకత్వం వహిస్తున్న ఈ సినిమా రెండేళ్ల క్రితమే పట్టాలెక్కింది. కానీ ప్యాసింజర్ ట్రైన్లా నెమ్మదిగా ప్రయాణం సాగిస్తుంది. ఎక్స్ప్రెస్ ట్రైన్లు వచ్చినప్పుడు ప్యాసింజర్ ట్రైన్కు ఏ విధంగా బ్రేకులు పడతాయో హరిహర వీరమల్లు పరిస్థితి కూడా దాదాపుగా అంతే. ఐదారు నెలల కింద ప్రకటించిన సినిమాలు సైతం షూటింగ్ చివరి దశలోకి వచ్చేస్తున్నాయి. కానీ హరి హర వీరమల్లు మాత్రం ఓ కొలిక్కి రాలేకపోతుంది. ఈ సినిమా పెండింగ్ వర్క్ ఇంకా చాలానే ఉందని ఇన్సైడ్.
పవన్ ప్రస్తుతం రాజకీయాలతో బిజీగా ఉండటంతో ఈ సినిమాను పక్కన పెట్టాడు. పైగా ఐదారు నెలల్లో కంప్లీట్ అవుతుందంటే డేట్స్ అడ్జెస్ట్ చేయోచ్చు. కానీ ఈ సినిమా పీరియాడిక్ నేపథ్యంలో భారీ బడ్జెట్తో రూపుదిద్దుకుంటుంది. అందుకే పవన్ ఈ సినిమాకు డేట్స్ కేటాయించలేకపోతున్నాడట. దాంతో పవన్ తక్కువ రోజుల్లో పూర్తయ్యే బ్రో, ఓజీ సినిమాలను కంప్లీట్ చేసే పనిలో పడ్డాడు. ఇక ఇదిలా ఉండగా గత కొన్ని రోజులుగా హరి హర వీరమల్లు సినిమా క్యాన్సెల్ అయిందని, క్రిష్ వేరే హీరోతో కొత్త సినిమా ప్లాన్ చేస్తున్నాడని తెగ వార్తలు పుట్టుకొచ్చాయి. కాగా తాజాగా ఈ రూమర్స్కు నిర్మాత ఏఎమ్ రత్నం బ్రేకులు వేశాడు.
షెడ్యూల్ ప్రకారం ఆంధ్రప్రదేశ్లో ఎన్నికలు జరిగితే హరి హర వీరమల్లు సినిమాను పూర్తి చేస్తామని, ఒకవేళ అలా జరగకపోతే వచ్చే ఏడాది సినిమాను తిరిగి ప్రారంభిస్తామని ఏఎమ్ రత్నం చెప్పాడు. అంతేకాకుండా పవన్ కళ్యాణ్కు ఉన్న పొలిటికల్ ఇంట్రెస్ట్ను, కామన్ మ్యాన్ కోసం ఎదైనా చేయలనే ఆయన తపనను మేము కూడా అర్థం చేసుకోగలము అని ఆయన చెప్పుకొచ్చాడు. ఈ స్టేట్మెంట్తో హరి హర వీరమల్లు సినిమా ఖచ్చితంగా ఉంటుందని క్లారిటీ వచ్చేసింది. ఇక తాజాగా ఇన్స్టాలో పవన్ పోస్ట్ చేసిన వీడియోలో హరిహర వీరమల్లుకు సంబంధించిన పిక్ను కూడా యాడ్ చేశాడు. ఇందులో మరో విశేషం ఏంటంటే.. చిత్రబృందం నుంచి అఫీషియల్గా రిలీజ్ కానీ.. నిధి అగర్వాల్తో ఉన్న పిక్ను పవన్ పంచుకున్నాడు.