బీటౌన్ (Bollywood)లో విషాదం చోటుచేసుకుంది. యువ ర్యాపర్ ధర్మేశ్ పార్మర్ (24) కన్నుమూశాడు. ఎంసీ టోడ్పొడ్ (MC Tod Fod) స్టేట్ నేమ్తో పాపులర్ అయిన ఈ యువ ర్యాపర్ ఆకస్మిక మృతికి గల కారణాలు తెలియాల్సి ఉంది. బాలీవుడ్ హీరో రణ్ వీర్ సింగ్, సిద్దాంత్ చతుర్వేది కాంబినేషన్లో వచ్చిన గల్లీ భాయ్ సినిమాలో ఇండియా 91 ట్రాక్ను ఎంసీ టోడ్ కంపోజ్ చేశారు. (Gully Boy Rapper) ర్యాపర్ ఎంసీ టోడ్ మృతిపట్ల రణ్వీర్ సింగ్ తీవ్ర దిగ్బ్రాంతి వ్యక్తం చేశారు.
ఎంసీ టోడ్ ఫొటోను ఇన్ స్టాగ్రామ్ పేజీలో పోస్ట్ చేస్తూ..గుండె బద్దలైనట్టుగా ఉందని తెలిపే ఎమోజీలను క్యాప్షన్గా పెట్టాడు. ర్యాపర్ ఎంసీ టోడ్తో చేసిన చిట్చాట్ స్క్రీన్ ఛాట్ను సిద్దాంత్ చతుర్వేది (Siddhant Chaturvedi) ఇన్ స్టాగ్రామ్ లో షేర్ చేస్తూ..రెస్ట్ ఇన్ పీస్ భాయ్..అంటూ హర్ట్ బ్రోకెన్ ఎమోజీని పోస్ట్ చేశాడు.
గల్లీ భాయ్ డైరెక్టర్ జోయాఅక్తర్ నువ్వు చాలా త్వరగా వెళ్లిపోయావు..అంటూ ఎమోషనల్ పోస్ట్ పెట్టింది. ఇలా హఠాత్తుగా ఎంసీ టోడ్ మరణవార్త బయటకు రావడంతో బాలీవుడ్ లో తీవ్ర విషాద ఛాయలు అలుముకున్నాయి. ఎంసీ టోడ్ మృతికి కారణాలపై రానున్న రోజుల్లో ఏదైనా తెలుస్తుందేమో చూడాలి.