GodFather Movie On Ott | గ్రాండ్గా రీ ఎంట్రీ ప్లాన్ చేసుకున్న చిరు.. అదే గ్రాండ్నెస్ను తన తదుపరి సినిమాల్లో కంటిన్యూ చేయలేకపోతున్నాడు. ‘ఖైదీ నెంబర్150’ వంటి నాన్-బాహుబలి ఇండస్ట్రీ హిట్ తర్వాత ‘సైరా’, ‘ఆచార్య’ చిత్రాలు భారీ పరాజయాలు సాధించాయి. ఈ క్రమంలో చిరు ఎలాగైనా హిట్ సాధించాలని మలయాళ రీమేక్ను నమ్ముకుని ‘గాడ్ఫాదర్’తో దసరాకు ప్రేక్షకులను పలకరించాడు. అయితే మెగాస్టార్కు ఈ సారి కూడా నిరాశే మిగిలింది. భారీ అంచనాల నడుమ రిలీజైన ఈ చిత్రం బాక్సాఫీస్ దగ్గర బోల్తా కొట్టింది. మొదటి ఈ చిత్రానికి పాజిటీవ్ రివ్యూలు వచ్చిన.. ప్రేక్షకులు థియేటర్ల వైపు మొగ్గు చూపలేకపోయారు. అయితే ఈ సినిమా ఓటీటీలో మాత్రం దూసుకుపోతుంది.
ఈ సినిమా నెట్ఫ్లిక్స్లో నవంబర్ 20 నుండి స్ట్రీమింగ్ అవుతుంది. కాగా 12 రోజులుగా ఈ చిత్రం నెట్ఫ్లిక్స్ ట్రెండింగ్స్లో టాప్-1లో ఉంది. ఆర్ఆర్ఆర్(14రోజులు) తర్వాత ఆ ఘనత సాధించిన రెండో తెలుగు సినిమాగా రికార్డు సృష్టించింది. ఇదే కంటిన్యూ అయితే ఆర్ఆర్ఆర్ రికార్డును కూడా బ్రేక్ చేసే అవకాశం ఉంది. వెండితెర ప్రేక్షకుల మెప్పు పొందకపోయినా.. ఓటీటీ ప్రియులను మాత్రం ఈ చిత్రం విపరీతంగా ఆకట్టుకుంటుంది. మొహన్రాజా దర్శకత్వం వహించిన ఈ చిత్రం మలయాళంలో సూపర్ హిట్ అయిన లూసీఫర్కు రీమేక్గా తెరకెక్కింది.
కొణిదెల ప్రొడక్షన్ కంపెనీ, సూపర్ గుడ్ ఫిలింస్ సంస్థలు ఈ చిత్రాన్ని సంయుక్తంగా నిర్మించాయి. టాలీవుడ్ యంగ్ హీరో సత్యదేవ్ ప్రతినాయకుడి పాత్రలో నటించగా.. లేడీ సూపర్ స్టార్ నయనతార కీలకపాత్ర పోషించింది. బాలీవుడ్ స్టార్ హీరో సల్మాన్ ఖాన్ గెస్ట్రోల్లో మెరిసాడు.