Gandeevadhari Arjuna Movie | ఉత్కంఠ రేకెత్తిస్తున్న గాండీవధారి అర్జున ప్రీ-టీజర్‌.. హాలీవుడ్‌ రేంజ్‌ విజువల్స్

Gandeevadhari Arjuna Movie Pre-Teaser | ప్రత్యేకంగా బాక్సింగ్ శిక్షణ తీసుకుని ఎంతో కష్టపడి చేసిన గని.. రెండో రోజు నుంచే సైలెంట్ అవడంతో వరుణ్‌ తీవ్రంగా నిరాశ పడ్డాడు. ఇక ఈ సినిమా తాలుకూ చేదు జ్ఞాపకాలు మరవకముందే ఎఫ్‌-3 రూపంలో మెగా ప్రిన్స్‌కు మరో కోలుకోలేని దెబ్బ తగిలింది.

Gandeevadhari Arjuna Movie Pre-Teaser | ప్రత్యేకంగా బాక్సింగ్ శిక్షణ తీసుకుని ఎంతో కష్టపడి చేసిన గని.. రెండో రోజు నుంచే సైలెంట్ అవడంతో వరుణ్‌ తీవ్రంగా నిరాశ పడ్డాడు. ఇక ఈ సినిమా తాలుకూ చేదు జ్ఞాపకాలు మరవకముందే ఎఫ్‌-3 రూపంలో మెగా ప్రిన్స్‌కు మరో కోలుకోలేని దెబ్బ తగిలింది. ఇలా రెండు బ్యాక్‌ బు బ్యాక్‌ డిజాస్టర్‌లతో వరుణ్‌ డీలా పడిపోయాడు. ప్రస్తుతం ఆయన ఆశలన్నీ గాండీవధారి అర్జునపైనే ఉన్నాయి. ప్రచార చిత్రాలు, టైటిల్ దగ్గర నుంచి ఈ సినిమాపై అటు మెగా అభిమానుల్లో ఇటు సినీ లవర్స్‌లో వీర లెవల్లో అంచనాలు ఏర్పడ్డాయి. ఆగస్టు 25న విడుదల కాబోతున్న ఈ సినిమాకు ప్రవీణ్ సత్తారు దర్శకత్వం వహించాడు. ప్రస్తుతం ఈ సినిమా ప్యాచ్‌ వర్క్‌ పూర్తి చేసుకుంటుంది. ఇదిలా ఉంటే తాజాగా మేకర్స్‌ ఈ సినిమా ప్రీ టీజర్‌ను రిలీజ్‌ చేశారు.

లెటెస్ట్‌గా రిలీజైన ప్రీ టీజర్‌ నెక్స్ట్‌ లెవల్లో ఉంది. హాలీవుడ్‌ స్టైల్‌ ఆఫ్‌ మేకింగ్‌ స్పష్టంగా కనిపిస్తుంది. ఈ సారి ప్రవీణ్ సత్తారు అంతకు మించి అనే రేంజ్‌లో వస్తున్నట్లు క్లారటీ వచ్చేసింది. వేగంగా వెళ్తున్న కారు.. వెనకాల ఉన్న డిక్కీలో గన్స్‌.. వాటిలోంచి ఒక మిస్సైల్‌ లాంటి గన్‌ తీసుకుని వరుణ్ ప్రత్యర్థులపై దాడి చేయడం.. ప్రీ టీజర్‌లో టీజర్‌ తాలుకూ రిఫరెన్స్‌లు పెట్టి విపరీతమైన అటెన్సన్‌ క్రియేట్‌ చేశాడు ప్రవీణ్‌ సత్తారు. ప్రీ టీజరే ఈ రేంజ్‌లో ఉంటే, టీజర్‌ ఇంకా ఏ రేంజ్‌లో ఉండబోతుందోనని మెగా అభిమానులు ఫుల్‌ ఖుషీ అవుతున్నారు.

అవుట్‌ అండ్‌ అవుట్‌ యాక్షన్ ఎంటర్‌టైనర్‌గా తెరకెక్కుతున్న ఈ సినిమాను శ్రీ వెంకటేశ్వరా సినీ చిత్ర బ్యానర్‌పై బీవిఎస్‌ఎన్‌ ప్రసాద్‌ నిర్మిస్తున్నాడు. సహా నిర్మాతగా నాగబాబు వ్యవహరిస్తున్నాడు. మిక్కీ జే మెయర్‌ సంగీతం అందిస్తున్న ఈ సినిమాలో సాక్షీ వైద్య హీరోయిన్‌గా నటించింది.