Gaayapadda Simham | ట్రంప్‌పై తరుణ్ భాస్కర్ రివెంజ్.. నవ్వులు పూయిస్తున్న ‘గాయపడ్డ సింహం’ ట్రైలర్!

Gaayapadda Simham | టాలీవుడ్ న‌టుడు, ద‌ర్శ‌కుడు తరుణ్ భాస్కర్ ప్రధాన పాత్రలో నటించిన "గాయపడ్డ సింహం" చిత్ర ట్రైలర్ ప్రస్తుతం సోషల్ మీడియాలో సెన్సేషన్ క్రియేట్ చేస్తోంది.

Gaayapadda Simham | టాలీవుడ్ న‌టుడు, ద‌ర్శ‌కుడు తరుణ్ భాస్కర్ ప్రధాన పాత్రలో నటించిన “గాయపడ్డ సింహం” చిత్ర ట్రైలర్ ప్రస్తుతం సోషల్ మీడియాలో సెన్సేషన్ క్రియేట్ చేస్తోంది. కశ్యప్ శ్రీనివాస్ దర్శకత్వంలో రూపొందిన ఈ చిత్రం, అమెరికా వెళ్ళాలని కలలు కనే ఒక యువకుడు డొనాల్డ్ ట్రంప్ ఇమిగ్రేషన్ పాలసీల వల్ల వెనక్కి వచ్చి, అతనిపై రివెంజ్ తీర్చుకోవాలనుకునే వినూత్నమైన మరియు హిలేరియస్ పాయింట్‌తో తెరకెక్కింది. తరుణ్ భాస్కర్ తనదైన మార్క్ డార్క్ హ్యూమర్‌తో ఈ పాత్రలో పరకాయ ప్రవేశం చేయగా, ట్రైలర్‌లోని డైలాగులు ప్రేక్షకులను కడుపుబ్బ నవ్విస్తున్నాయి. ముఖ్యంగా ట్రంప్ మీద రివెంజ్ గురించి హర్షవర్ధన్ చెప్పే సెటైర్లు హైలైట్‌గా నిలిచాయి.

ఈ సినిమాలో ఫరియా అబ్దుల్లా, మానసా చౌదరి కథానాయికలుగా నటిస్తుండగా, జేడీ చక్రవర్తి ఒక కీలక పాత్రలో కనిపిస్తున్నారు. ట్రైలర్ చివరలో శ్రీవిష్ణు కేజీఎఫ్ తరహా ఎలివేషన్‌తో ఎంట్రీ ఇవ్వడం అభిమానులకు పెద్ద సర్ప్రైజ్‌గా మారింది. స్వీకార్ అగస్తి సంగీతం అందిస్తున్న ఈ చిత్రాన్ని మే 1, 2026న విడుదల చేసేందుకు చిత్రబృందం సన్నాహాలు చేస్తోంది. పొలిటికల్ సెటైర్ మరియు యూత్ ఫుల్ ఎంటర్‌టైనర్‌గా రాబోతున్న ఈ ‘గాయపడ్డ సింహం’ బాక్సాఫీస్ వద్ద ఏ రేంజ్ సందడి చేస్తుందో చూడాలి.