Gaami Movie | అఘోరతో సాహస యాత్ర

విశ్వక్‌సేన్‌ అఘోరా పాత్రలో నటిస్తున్న చిత్రం ‘గామి’. విద్యాధర్‌ కాగిత దర్శకుడు. అడ్వెంచరస్‌ డ్రామాగా తెరకెక్కిస్తున్న ఈ సినిమా మార్చి 8న ప్రేక్షకుల ముందుకురానుంది.

విశ్వక్‌సేన్‌ అఘోరా పాత్రలో నటిస్తున్న చిత్రం ‘గామి’. విద్యాధర్‌ కాగిత దర్శకుడు. అడ్వెంచరస్‌ డ్రామాగా తెరకెక్కిస్తున్న ఈ సినిమా మార్చి 8న ప్రేక్షకుల ముందుకురానుంది. ఇందులో మానవ స్పర్శను అనుభవించలేని అరుదైన వ్యాధితో బాధపడే అఘోరా పాత్రలో విశ్వక్‌సేన్‌ నటించారు.

ఈ సినిమాలో యువ నాయిక చాందిని చౌదరి.. జాహ్నవి పాత్రలో నటిస్తున్నది. గురువారం ఆమె ఫస్ట్‌లుక్‌ను విడుదల చేశారు. అఘోరాగా కనిపించే కథానాయకుడితో కలిసి ఆమె చేసే సాహస యాత్ర సినిమాలో ఆసక్తికరంగా ఉంటుందని చిత్రబృందం పేర్కొంది. హారిక పెడాడ, మహ్మద్‌ సమద్‌ తదితరులు నటిస్తున్న ఈ చిత్రానికి కెమెరా: విశ్వనాథ్‌ రెడ్డి, సంగీతం: నరేష్‌ కుమారన్‌, నిర్మాత: కార్తీక్‌ శబరీష్‌, దర్శకత్వం: విద్యాధర్‌ కాగిత.