ఒట్టేసుకోనా కోరమీసాలమీనా..

రవితేజ సోదరుడు రఘు కుమారుడు మాధవ్‌ హీరోగా రూపొందుతున్న విలేజ్‌ యాక్షన్‌ డ్రామా ‘మారెమ్మ’. దీపా బాలు కథానాయిక. మంచాల నాగరాజు దర్శకుడు. మయూర్‌రెడ్డి బండారు నిర్మాత. త్వరలో సినిమా విడుదల కానున్నది.

రవితేజ సోదరుడు రఘు కుమారుడు మాధవ్‌ హీరోగా రూపొందుతున్న విలేజ్‌ యాక్షన్‌ డ్రామా ‘మారెమ్మ’. దీపా బాలు కథానాయిక. మంచాల నాగరాజు దర్శకుడు. మయూర్‌రెడ్డి బండారు నిర్మాత. త్వరలో సినిమా విడుదల కానున్నది. ప్రమోషన్‌లో భాగంగా ఈ సినిమా నుంచి తొలి పాటను మేకర్స్‌ విడుదల చేశారు. ‘ఒట్టేసుకోనా కోరమీసాలమీనా.. నన్ను కట్టేసుకోనా కాలమంత నీతానా..’ అంటూ సాగే ఈ పాటను కమల్‌ ఎస్లావత్‌ రాయగా, ప్రశాంత్‌ ఆర్‌.విహారి స్వరపరిచారు. శృతి రంజని ఆలపించారు.

పల్లెటూరి మట్టివాసనతో ఈ పాట సాహిత్యం సాగింది. బావపై మరదలి అనురాగాన్ని ఆవిష్కరిస్తూ సింపుల్‌గా, హృదయానికి హత్తుకులా కమల్‌ ఎస్ల్లావత్‌ ఈ పాటను రాశారు. మధవ్‌, దీపాబాలు కెమిస్ట్రీ ఈ పాటలో ప్రత్యేక ఆకర్షణగా నిలిచింది. వినోద్‌కుమార్‌, వికాస్‌ వశిష్ట, దయానంద్‌రెడ్డి, రూపలక్ష్మి తదితరులు ఇతర పాత్రలు పోషిస్తున్న ఈ చిత్రానికి కెమెరా: ప్రశాంత్‌ అంకిరెడ్డి, నిర్మాణం: మోక్ష ఆర్ట్స్‌.