Babu Mohan | నేను ద‌ళితుడిన‌ని తెలిసిన త‌ర్వాతే తెలుగులో సినిమా ఆఫర్లు తగ్గాయి : బాబు మోహ‌న్

Babu Mohan Comments | దిగ్గ‌జ నటుడు, మాజీ మంత్రి బాబు మోహ‌న్ సినీ పరిశ్రమలో తన అనుభవాలపై సంచలన వ్యాఖ్యలు చేశారు.

Babu Mohan Comments | దిగ్గ‌జ నటుడు, మాజీ మంత్రి బాబు మోహ‌న్ సినీ పరిశ్రమలో తన అనుభవాలపై సంచలన వ్యాఖ్యలు చేశారు. తాను ద‌ళితుడినని తెలిసిన తర్వాతే తనకు సినిమా అవ‌కాశాలు గణనీయంగా త‌గ్గిపోయాయని ఆయన వెల్లడించారు. ఈ వ్యాఖ్యలు సినీ వర్గాల్లో, సామాజిక వర్గాల్లో తీవ్ర చర్చనీయాంశంగా మారాయి.

దిగ్గ‌జ నటుడు, మాజీ మంత్రి బాబు మోహ‌న్ గురించి ప్ర‌త్యేక ప‌రిచ‌యం అవ‌స‌రం లేదు. నటుడిగా, హాస్య నటుడిగా, విలన్‌గా, సహాయ నటుడిగా ఇలా వందల సినిమాల్లో నటించి ప్రేక్షకుల మన్ననలు పొందాడు. ఈ త‌ర్వాత రాజ‌కీయ‌ల్లో ప్ర‌వేశించి శాస‌నస‌భ స‌భ్యుడిగా, మంత్రిగా తనదైన ముద్ర వేశారు. అయితే ఇటీవ‌ల ఒక ఇంట‌ర్వ్యూలో పాల్గోన్న బాబు మోహ‌న్ సినీ పరిశ్రమలో కుల వివక్ష ఉందని సంచ‌ల‌న వ్యాఖ్య‌లు చేశాడు.

నేను ద‌ళితుడినని చాలా మందికి తెలియదు. ఈ విష‌యం నేను కూడా ఎప్పుడు బ‌య‌ట‌పెట్ట‌లేదు. కానీ ఎప్పుడైతే నేను రాజ‌కీయ‌ల్లోకి ప్ర‌వేశించిన త‌ర్వాత నా కులం బ‌య‌ట‌ప‌డిందో అప్ప‌టినుంచి బాబు మోహ‌న్ ద‌ళితుడా అంటూ కామెంట్లు వినిపించేవి. ఇదే కార‌ణంతో నాకు వచ్చే సినిమా ఆఫర్లు తగ్గిపోయాయి. నన్ను దూరం పెట్టడం మొదలుపెట్టారు. సినీ పరిశ్రమలో ప్రతిభకు బదులు కులానికే ప్రాధాన్యత ఉంటుంద‌ని బాబు మోహ‌న్ ఆవేద‌న వ్య‌క్తం చేశాడు.