ముద్దు తెచ్చిన తంటా.. నిర్మాతలకు లీగల్‌ నోటీసులు

హృతిక్‌రోషన్‌, దీపిక పదుకొణె జంటగా రూపొందిన బాలీవుడ్‌ చిత్రం ‘ఫైటర్‌' వసూళ్ల సునామీనే సృష్టిస్తోందని చెప్పాలి. ఇప్పటికే 300కోట్ల రూపాయల వసూళ్లను అధిగమించి దూసుకుపోతోందీ సినిమా. ఇదిలావుంటే..

హృతిక్‌రోషన్‌, దీపిక పదుకొణె జంటగా రూపొందిన బాలీవుడ్‌ చిత్రం ‘ఫైటర్‌’ వసూళ్ల సునామీనే సృష్టిస్తోందని చెప్పాలి. ఇప్పటికే 300కోట్ల రూపాయల వసూళ్లను అధిగమించి దూసుకుపోతోందీ సినిమా. ఇదిలావుంటే.. ఈ సినిమాకు అనుకోని వివాదం ఎదురైంది. అస్సాంకు చెందిన ఎయిర్‌ఫోర్స్‌ అధికారి సౌమ్య దీప్‌దాస్‌ ఈ సినిమాలోని ముద్దు సన్నివేశంపై అభ్యంతరం వ్యక్తం చేస్తూ, చిత్రబృందానికి లీగల్‌ నోటీసులు పంపించారు.

హీరోహీరోయిన్లు అయిన హృతిక్‌, దీపిక ఇద్దరూ.. ఎయిర్‌ఫోర్స్‌ యూనిఫాం ధరించి ఈ చిత్రంలో ముద్దు సన్నివేశంలో నటిచడం అనేది చాలా తప్పు అని, అది గౌరవనీయమైన యూనిఫాంని అవమానించినట్టవుతుందని ఆయన ఆరోపించారు. రిపబ్లిక్‌ డే కానుకగా విడుదలైన ‘ఫైటర్‌’ సినిమా సినీ, క్రీడా ప్రముఖుల ప్రశంసలందుకోవడమే కాక, రికార్డ్‌ వసూళ్లతో దూసుకుపోతోంది. ఈ సందర్భంలో ఇలాంటి పరిణామం ఎదురవ్వడం చిత్రబృందానికి ఇబ్బందికర పరిణామమేనని పలువురు అభిప్రాయపడుతున్నారు. మరి ఈ అంశంపై వారెలా స్పందిస్తారో చూడాలి.