దక్షిణాది సినిమాల్లో అదృష్టాన్ని పరీక్షించుకుంటున్న మరో ముంబయి ముద్దుగుమ్మ కావ్యా థాపర్. మోడలింగ్ రంగం నుంచి సినీ ఇండస్ట్రీలో అడుగుపెట్టిన ఈ భామ రాహుల్ విజయ్ కథానాయకుడిగా నటించిన ‘ఈ మాయ పేరేమిటో’ అనే చిన్న సినిమాతో తెలుగులో హీరోయిన్గా పరిచయమైంది. తర్వాత ‘ఏక్ మినీ కథ’లో సంతోష్ శోభన్ సరసన నటించినప్పటికీ అమ్మడికి కొద్దిపాటి గుర్తింపే వచ్చిందని టాక్. ఎందుకంటే ఆ సినిమా థియేటర్ రిలీజ్ కాకుండా నేరుగా ఓటీటీ వేదికగా స్ట్రీమింగ్ అయింది.
ఆ మధ్య తమిళనాట రెండు మూడు చిత్రాల్లో నటించినప్పటికీ అక్కడా చెప్పుకోదగ్గ విజయం దక్కలేదనేది సినీ విశ్లేషకుల మాట. అయితే కావ్య ట్రాక్ రికార్డు గురించి లెక్కచేయకుండా ఆమెకు రెండు పేరున్న సినిమాల్లో అవకాశం ఇచ్చారు మేకర్స్. అవే ‘ఈగల్’, ‘ఊరి పేరు భైరవకోన’.
చిత్రమేమిటంటే ఈ రెండు సినిమాలూ ఒకేరోజు విడుదల కానున్నాయి. సంక్రాంతి బరిలో నుంచి తప్పుకున్న ‘ఈగల్’ టీమ్ రిలీజ్ డేట్ను ఫిబ్రవరి 9కి వాయిదా వేసుకుంది. అంతకన్నా ముందు నుంచే సేమ్ డేట్కు ‘ఊరి పేరు భైరవకోన’ షెడ్యూల్ ప్రకటించింది. ఒకే హీరోయిన్ నటిం చిన క్రేజీ సినిమాలు ఒకే రోజు విడుద లవుతుండటం యాదృశ్చికమే. గత ఏడాది సంక్రాంతికి ఒకేరోజు వ్యవధిలో శ్రుతిహాసన్ నటించిన ‘వాల్తేరు వీరయ్య’, ‘వీరసింహారెడ్డి’ విడుదలలై హిట్ కొట్టాయి. ఇప్పుడు ఇదే కోవలో కావ్య నటించిన సినిమాలు వస్తున్నాయి. ఇవి విజయాన్నందుకొని ఆమె కెరీర్ను గాడిలో పెడతాయో లేదో చూడాలి.