Fauzi | ‘ఫౌజీ’ నుంచి క్రేజీ అప్‌డేట్.. ‘ఎవరతను?’ అంటూ ఆసక్తి పెంచిన మేకర్స్!

Fauzi | పాన్ ఇండియా రెబల్ స్టార్ ప్రభాస్ పుట్టినరోజు సందర్భంగా అభిమానులకు అదిరిపోయే కానుకలు అందుతున్నాయి. తమ అభిమాన హీరో పుట్టినరోజును ఫ్యాన్స్ ఆన్‌లైన్, ఆఫ్‌లైన్‌లో పండుగలా జరుపుకుంటున్నారు. ఒకవైపు ప్రభాస్ నటించిన పాత సినిమాల రీరిలీజ్‌ల‌ సందడి చేస్తుండగా, మరోవైపు కొత్త చిత్రాల నుంచి వచ్చే అప్‌డేట్స్‌పై అభిమానుల్లో భారీ అంచనాలు నెలకొన్నాయి.

Fauzi | పాన్ ఇండియా రెబల్ స్టార్ ప్రభాస్ పుట్టినరోజు సందర్భంగా అభిమానులకు అదిరిపోయే కానుకలు అందుతున్నాయి. తమ అభిమాన హీరో పుట్టినరోజును ఫ్యాన్స్ ఆన్‌లైన్, ఆఫ్‌లైన్‌లో పండుగలా జరుపుకుంటున్నారు. ఒకవైపు ప్రభాస్ నటించిన పాత సినిమాల రీరిలీజ్‌ల‌ సందడి చేస్తుండగా, మరోవైపు కొత్త చిత్రాల నుంచి వచ్చే అప్‌డేట్స్‌పై అభిమానుల్లో భారీ అంచనాలు నెలకొన్నాయి. ఈ క్రమంలో దర్శకుడు హను రాఘవపూడి దర్శకత్వంలో తెరకెక్కుతున్న భారీ చిత్రం ‘ఫౌజీ’ చిత్ర బృందం అభిమానులకు ప్రత్యేక కానుకను ప్రకటించింది. ప్రభాస్ పుట్టినరోజు సందర్భంగా అర్ధరాత్రే అభిమానులకు శుభాకాంక్షలు తెలిపిన ‘ఫౌజీ’ చిత్ర బృందం.. సినిమాలో ప్రభాస్ పాత్రకు సంబంధించిన ఆసక్తికరమైన వీడియోను విడుదల చేయనున్నట్లు ప్రకటించింది.

‘ఎవరతను?’ అనే ప్రశ్నతో ఈ అప్‌డేట్‌పై మరింత ఆసక్తిని పెంచింది. ఈ వీడియోలో ప్రభాస్ పాత్రను ఎలా పరిచయం చేయబోతున్నారు? ఆయన లుక్ ఎలా ఉండబోతోంది? సినిమాలోని కథాంశానికి సంబంధించి ఏమైనా కొత్త విషయాలు వెల్లడవుతాయా? అన్న ప్రశ్నలు అభిమానుల్లో మొదలయ్యాయి. ప్రభాస్ సినిమాల నుంచి వచ్చే ప్రతి అప్‌డేట్ కోసం ఎదురుచూసే అభిమానులకు ‘ఫౌజీ’ టీమ్ ప్రకటన మరింత ఉత్సాహాన్ని ఇచ్చింది. ముఖ్యంగా హను రాఘవపూడి దర్శకత్వంలో ప్రభాస్ నటిస్తున్న సినిమా కావడంతో ఈ ప్రాజెక్టుపై ఇప్పటికే భారీ అంచనాలు ఉన్నాయి. తాజాగా విడుదల కానున్న వీడియో ఆ అంచనాలను మరింత పెంచే అవకాశం ఉంది.

ఈ చిత్రంలో ప్రభాస్ సరసన ఇమాన్వి కథానాయికగా నటిస్తోంది. మైత్రి మూవీ మేకర్స్ ఈ భారీ చిత్రాన్ని నిర్మిస్తోంది. విభిన్నమైన కథాంశాలతో ప్రేక్షకులను ఆకట్టుకునే హను రాఘవపూడి.. ప్రభాస్‌ను ఏ తరహా పాత్రలో చూపించబోతున్నారన్నది ఇప్పుడు ఆసక్తికరంగా మారింది. ప్రభాస్ పుట్టినరోజు సందర్భంగా ‘ఫౌజీ’ నుంచి రానున్న ఈ ప్రత్యేక వీడియో కోసం అభిమానులు ఆసక్తిగా ఎదురుచూస్తున్నారు. ‘ఎవరతను?’ అనే ప్రశ్నకు వీడియోలో ఎలాంటి సమాధానం దొరుకుతుంది? ప్రభాస్ పాత్రకు సంబంధించి ఎలాంటి విశేషాలు బయటకు వస్తాయి? అన్నది తెలియాలంటే అధికారిక వీడియో విడుదలయ్యే వరకు వేచి చూడాల్సిందే.