Family Star | ‘కుటుంబాన్ని గొప్ప స్థాయిలో నిలబెట్టేందుకు కష్టపడే ప్రతి ఒక్కరూ ఫ్యామిలీ స్టారే. ఈ కథ విని పదిహేను నిమిషాల్లో ఓకే చెప్పాను. ఇది మధ్యతరగతి కుటుంబాల కథ. మిడిల్క్లాస్ భావోద్వేగాలన్నీ విజయ్ పాత్రలో ఉంటాయి. ప్రతి మధ్యతరగతి వ్యక్తీ తనకుతాను ఐడెంటిఫై చేసుకునేలా ఇందులో విజయ్ పాత్ర ఉంటుంది. ఏప్రిల్ 5న వస్తున్నాం. తప్పకుండా మీ అందర్నీ మెప్పిస్తాం’ అన్నారు దిల్రాజు. మధ్యతరగతి భావోద్వేగాలకు వినోదాన్ని మేళవిస్తూ దిల్రాజు, శిరీష్ల నిర్మాణంలో పరశురామ్ తెరకెక్కిస్తున్న చిత్రం ‘ఫ్యామిలీ స్టార్’.
బ్లాక్బాస్టర్ ‘గీతగోవిందం’ తర్వాత పరశురామ్ దర్శకత్వంలో విజయ్ దేవరకొండ నటిస్తున్న ఈ చిత్రం ఏప్రిల్ 5న విడుదల కానుంది. ప్రమోషన్లో భాగంగా ఈ సినిమాలోని ‘మధురము కదా..’ అంటూ సాగే గీతాన్ని హైదరాబాద్ మై హోమ్ జెవెల్ గేటెడ్ కమ్యూనిటీలో పలు కుటుంబాల సమక్షంలో ఓ వేడుకగా విడుదల చేశారు. శ్రీమణి రాసిన ఈ గీతాన్ని గోపీసుందర్ స్వరపరచగా, శ్రేయాఘోషల్ ఆలపించారు. ఇది కుటుంబం గురించి ఆలోచించే కుర్రాడి కథ అనీ, థియేటర్కి వచ్చి ఎంజాయ్ చేయండని దేవరకొండ విజయ్ చెప్పారు. మృణాల్ఠాకూర్ కథానాయికగా నటిస్తున్న ఈ చిత్రానికి కెమెరా: కేయూ మోహనన్.