Katrina Kaif | బాలీవుడ్ న‌టి కత్రినా కైఫ్ రోల్ మోడల్ ఎవరో తెలుసా?

Katrina Kaif | అందంతో పాటు అద్భుతాభినయంతో హిందీ చిత్రసీమలో ప్రత్యేకమైన గుర్తింపును సంపాదించుకుంది బాలీవుడ్ అగ్ర కథానాయిక కత్రినా కైఫ్‌. ఇటీవలే ‘టైగర్‌-3’ చిత్రంతో ప్రేక్షకులముందుకు వ‌చ్చిన ఈ సినిమాతో బ్లాక్ బ‌స్ట‌ర్ అందుకుంది. ఇక కత్రినా కైఫ్ న‌టిస్తున్న తాజా పాన్ ఇండియా చిత్రం ‘మేరీ క్రిస్మస్’ (Merry Christmas).

Katrina Kaif | అందంతో పాటు అద్భుతాభినయంతో హిందీ చిత్రసీమలో ప్రత్యేకమైన గుర్తింపును సంపాదించుకుంది బాలీవుడ్ అగ్ర కథానాయిక కత్రినా కైఫ్‌. ఇటీవలే ‘టైగర్‌-3’ చిత్రంతో ప్రేక్షకులముందుకు వ‌చ్చిన ఈ సినిమాతో బ్లాక్ బ‌స్ట‌ర్ అందుకుంది. ఇక కత్రినా కైఫ్ న‌టిస్తున్న తాజా పాన్ ఇండియా చిత్రం ‘మేరీ క్రిస్మస్’ (Merry Christmas). కోలీవుడ్ స్టార్ హీరో విజయ్ సేతుపతి (Vijay Sethupathi) ఇందులో హీరోగా న‌టిస్తున్నాడు. సంక్రాంతి కానుక‌గా జ‌న‌వ‌రి 12న గ్రాండ్‌గా ఈ సినిమా విడుద‌ల కానుంది.

ఈ సందర్భంగా కత్రినా కైఫ్ సినిమా ప్రమోషన్స్‌లో బిజీగా ఉంటూ.. పలు ఇంటర్వ్యూలకు హాజరవుతుంది. ఈ క్రమంలో ఓ ఇంటర్వ్యూలో పాల్గొన్న కత్రినా త‌న రోల్ మోడల్ ఎవరనే విష‌యంపై ఆసక్తికరమైన విష‌యాల‌ను పంచుకుంది. ఫిట్‌నెస్ క్వీన్ మలైకా అరోరా అంటే తనకు చాలా ఇష్టమని ఆమె త‌న‌కు రోల్ మోడల్ అని కత్రినా కైఫ్ చెప్పుకోచ్చింది. మోడలింగ్ చేస్తున్న రోజుల్లో మలైకా అరోరా, మధు సప్రే, లక్ష్మీ మీనన్‌లను తన రోల్ మోడల్‌గా భావించినట్లు కత్రినా వెల్లడించింది.

బద్లాపూర్, అంధధూన్ సినిమాల ఫేమ్ శ్రీ‌రామ్ రాఘ‌వ‌న్ ‘మేరీ క్రిస్మస్’ (Merry Christmas) సినిమాకు ద‌ర్శ‌క‌త్వం వ‌హిస్తుండ‌గా.. ఈ చిత్రం జనవరి 12న త‌మిళం హిందీ భాష‌ల్లో విడుదల కానుంది.