మ‌హేశ్ బాబు సోద‌రుడు ర‌మేశ్ బాబు గురించి ఈ విష‌యాలు తెలుసా!

January 8, 2022 / 10:16 PM IST

Mahesh babu brother ramesh babu dead | సూప‌ర్ స్టార్ కృష్ణ పెద్ద కుమారుడు, మ‌హేశ్ బాబు సోద‌రుడు ర‌మేశ్ బాబు మ‌ర‌ణం టాలీవుడ్‌ను దిగ్భ్రాంతికి గురిచేసింది. కొంత‌కాలంగా అనారోగ్యంతో బాధ‌ప‌డుతున్న ఆయ‌న మ‌ర‌ణం అంద‌ర్నీ క‌లిచివేసింది. ర‌మేశ్‌బాబు మృతిప‌ట్ల ప‌లువురు సినీ ప్ర‌ముఖులు సంతాపం తెలుపుతున్నారు. ఈ క్ర‌మంలో ర‌మేశ్ బాబు గురించి ప‌లు విష‌యాలు..

కృష్ణ‌, ఇందిర దంప‌తుల‌కు ర‌మేశ్ బాబు మొద‌టి సంతానం. 1965 అక్టోబ‌ర్ 13న చెన్నైలో జ‌న్మించాడు. కృష్ణ వార‌సుడిగా బాల‌న‌టుడిగా కెరీర్ మొద‌లుపెట్టిన‌ 20కి పైగా సినిమాల్లో ర‌మేశ్ బాబు న‌టించాడు. అల్లూరి సీతారామరాజు సినిమాలో తొలిసారిగా బాల‌న‌టుడిగా న‌టించాడు ర‌మేశ్ బాబు. ఆ త‌ర్వాత కృష్ణ న‌టించిన ప‌లు సినిమాల్లో బాల‌నటుడిగా న‌టించాడు. మ‌నుషులు చేసిన దొంగ‌లు, దొంగ‌ల‌కు దొంగ‌, అన్నాద‌మ్ముల స‌వాల్, నీడ‌, పాలు నీళ్లు చిత్రాల్లో న‌టించాడు. ఆ త‌ర్వాత సామ్రాట్ సినిమాతో హీరోగా మారాడు. చిన్ని కృష్ణుడు, బ‌జార్ రౌడీ, క‌లియుగ క‌ర్ణుడు, బ్లాక్ టైగ‌ర్‌, ముగ్గురు కొడుకులు, కృష్ణ‌గారి అబ్బాయి, క‌లియుగ అభిమ‌న్యుడు, ఆయుధం వంటి సినిమాల్లో న‌టించాడు ర‌మేశ్ బాబు. చివ‌ర‌గా 1997లో వ‌చ్చిన ఎన్‌కౌంట‌ర్ సినిమాలో చివ‌రిసారిగా క‌నిపించాడు.
న‌ట‌న‌కు స్వ‌స్తి ప‌లికిన త‌ర్వాత ర‌మేశ్‌బాబు త‌ర్వాత కాలంలో నిర్మాత‌గా మారాడు. న‌ట‌న‌కు స్వ‌స్తి ప‌లికిన ర‌మేశ్ బాబు.. త‌ర్వాత కాలంలో నిర్మాత‌గా మారాడు. కృష్ణ ప్రొడ‌క్ష‌న్స్ హౌస్ స్థాపించి అర్జున్‌, అతిథి చిత్రాల‌ను తెర‌కెక్కించాడు. మ‌హేశ్ బాబు న‌టించిన దూకుడు, ఆగ‌డు సినిమాల‌కు స‌మ‌ర్ప‌కుడిగా కూడా వ్య‌వ‌హ‌రించాడు. హిందీలో అమితాబ్ బ‌చ్చ‌న్ హీరోగా సూర్య‌వంశ్ సినిమా తెర‌కెక్కించాడు.

లోక‌ల్ టు గ్లోబ‌ల్ వార్త‌ల కోసం.. న‌మ‌స్తే తెలంగాణ ఫేస్‌బుక్‌, ట్విట‌ర్ పేజీల‌ను ఫాలో అవ్వండి