Visit:
‘2020లో వన్యప్రాణుల గురించి ఆలోచించడం మొదలుపెట్టాను. అందుకే నా స్నేహితుడితో కలిసి ‘గ్రీన్‌ పాస్‌’ అనే స్వచ్ఛంద సంస్థను ప్రారంభించాం. బీచ్‌లను శుభ్రం చేయడం, సముద్ర తీర జీవుల్ని, పక్షుల్ని రక్షించే ప్రయత్నం చేస్తున్నాం. వన్యప్రాణుల్ని కాపాడుకోవాల్సిన బాధ్యత మనందరిపై ఉంది’ అన్నారు హీరో సాయిదుర్గతేజ్‌.
ఏపీ ఫారెస్ట్‌ డిపార్ట్‌మెంట్‌ సహకారంతో శ్రీకాంత్‌ మన్నెపురి రూపొందించిన డాక్యుమెంటరీ ‘డిస్కవర్‌ ఆంధ్ర’. సాయిదుర్గతేజ్‌, నవదీప్‌ సారథ్యంలో ఈ డాక్యుమెంటరీకి రూపకల్పన చేశారు. శనివారం హైదరాబాద్‌లో ఏర్పాటు చేసిన సమావేశంలో డాక్యుమెంటరీ టైటిల్‌, గ్లింప్స్‌ని లాంచ్‌ చేశారు.
ఈ సందర్భంగా మాట్లాడిన సాయిదుర్గతేజ్‌..వన్యప్రాణుల గురించి ఈ డాక్యుమెంటరీలో అద్భుతంగా చూపించారన్నారు. ఇందులోని విజువల్స్‌ ప్రతీ ఒక్కరిని అబ్బురపరుస్తాయని నవదీప్‌ పేర్కొన్నారు. ఫారెస్ట్‌ డిపార్ట్‌మెంట్‌లో వాలంటీర్‌గా పనిచేసిన అనుభవంతో పాటు విస్త్రృత పరిశోధనతో ఈ డాక్యుమెంటరీ తీశానని దర్శకుడు శ్రీకాంత్‌ మన్నెపూరి తెలిపారు.
