Mega 158 | మెగా 158 అప్‌డేట్: చిరంజీవి సినిమాలో ‘ధురంధ‌ర్’ హీరోయిన్

Mega 158 | మ‌న శంక‌ర వ‌ర ప్ర‌సాద్ సినిమాతో మెగాస్టార్ చిరంజీవి బ్లాక్ బ‌స్ట‌ర్ అందుకున్న విష‌యం తెలిసిందే. ఈ సినిమా అనంత‌రం స‌మ్మ‌ర్‌లో అత‌డి విశ్వంభ‌ర చిత్రం కూడా ప్రేక్ష‌కుల ముందుకు రాబోతుంది.

Mega 158 | మ‌న శంక‌ర వ‌ర ప్ర‌సాద్ సినిమాతో మెగాస్టార్ చిరంజీవి బ్లాక్ బ‌స్ట‌ర్ అందుకున్న విష‌యం తెలిసిందే. ఈ సినిమా అనంత‌రం స‌మ్మ‌ర్‌లో అత‌డి విశ్వంభ‌ర చిత్రం కూడా ప్రేక్ష‌కుల ముందుకు రాబోతుంది. అయితే ఈ సినిమా త‌ర్వాత బాబీతో మెగా 158 సినిమా చేయ‌బోతున్నాడు చిరు. ఈ ప్రాజెక్ట్ గురించి ఒక ఆసక్తికరమైన వార్త ఫిలిం నగర్ వర్గాల్లో ప్రస్తుతం హాట్ టాపిక్‌గా మారింది. ఈ చిత్రంలో చిరంజీవి కుమార్తెగా ఒక కీలక పాత్ర కోసం ‘పొన్నియిన్ సెల్వన్’ ఫేమ్, ధురంధ‌ర్ సినిమా సారా అర్జున్ పేరును దాదాపు ఖరారు చేసినట్లు సమాచారం. ఈ పాత్ర సినిమాలో అత్యంత కీలకం కానుందని తెలుస్తుంది. అయితే దీనిగురించి త్వ‌ర‌లోనే అధికారిక ప్ర‌క‌ట‌న రాబోతుంది. మ‌రోవైపు చిరంజీవి కెరీర్‌లో ఇదొక ప్రత్యేకమైన మూవీగా నిలిచిపోతుందని మెగా అభిమానులు భారీ అంచనాలు పెట్టుకున్నారు. ప్రస్తుతం ఈ సినిమాకు సంబంధించిన ప్రీ-ప్రొడక్షన్ పనులు శరవేగంగా జరుగుతుండగా క‌న్న‌డ నిర్మాణ సంస్థ కేవిఎన్ ప్రోడ‌క్ష‌న్ బ్యాన‌ర్ ఈ సినిమాను నిర్మిస్తుంది.