Ee Paata Korinavaaru | అనిల్ రావిపూడి చేతుల మీదుగా చంద్ర సిద్ధార్థ్ ‘ఈ పాట కోరినవారు…’ టీజర్ విడుదల!

Director Anil Ravipudi | తెలుగు సినిమా చరిత్రలో అత్యంత పొడవైన టైటిల్‌తో సరికొత్త రికార్డు సృష్టించిన వైవిధ్యమైన చిత్రం ‘ఈ పాట కోరినవారు నెమలిపాలెం నుండి రమ, జ్యోత్స్న, నందు, మురళి, కబీర్, ఢోల్ రవి మొదలగువారు’.

Director Anil Ravipudi | తెలుగు సినిమా చరిత్రలో అత్యంత పొడవైన టైటిల్‌తో సరికొత్త రికార్డు సృష్టించిన వైవిధ్యమైన చిత్రం ‘ఈ పాట కోరినవారు నెమలిపాలెం నుండి రమ, జ్యోత్స్న, నందు, మురళి, కబీర్, ఢోల్ రవి మొదలగువారు’. (ఉపశీర్షిక: ఎ ఫర్‌బిడెన్ రాగ ఫ్రమ్ ఎ ఫర్‌బిడెన్ సాగా…). ‘ఆ నలుగురు’, ‘మధుమాసం’, ‘అందరి బంధువయా’ వంటి విలక్షణ చిత్రాలతో దర్శకుడిగా తనకంటూ ప్రత్యేక గుర్తింపు తెచ్చుకున్న చంద్ర సిద్ధార్థ్ ఈ సినిమాకు కథ, స్క్రీన్ ప్లే అందిస్తూ స్వీయ దర్శకత్వంలో నిర్మించారు. వై.వి.సత్యనారాయణ రాజు సమర్పణలో ఫిల్మోత్సవ్ పతాకంపై తెరకెక్కిన ఈ మిస్టికల్ మ్యూజికల్ థ్రిల్లర్ సినిమా సెప్టెంబర్ 18న ప్రేక్షకుల ముందుకు రానుంది. ఈ నేపథ్యంలో టాలీవుడ్ సక్సెస్‌ఫుల్ డైరెక్టర్, హిట్ మెషీన్ అనిల్ రావిపూడి ముఖ్య అతిథిగా విచ్చేసి ఈ చిత్రానికి సంబంధించిన టీజర్‌ను అత్యంత వైభవంగా విడుదల చేశారు.

టీజర్ లాంచ్ చేసిన అనంతరం అనిల్ రావిపూడి మాట్లాడుతూ, ఇంత సుదీర్ఘమైన వినూత్న టైటిల్‌తో సినిమా రావడం ప్రేక్షకుల్లో ఎంతో ఆసక్తిని కలిగిస్తోందని ప్రశంసించారు. తాను గతంలో చంద్ర సిద్ధార్థ్ దర్శకత్వంలో వచ్చిన ‘మధుమాసం’, ‘హౌస్‌ఫుల్’, ‘అందరి బంధువయా’ వంటి సినిమాలకు స్క్రిప్ట్ విభాగంలో పని చేసిన అనుభవాన్ని గుర్తుచేసుకుంటూ, ఆయన ఎప్పుడూ అత్యంత సెన్సిబుల్ మరియు కొత్తదానంతో కూడిన కథలను ఎంచుకుంటారని కొనియాడారు. ఈ విభిన్నమైన ప్రయత్నం కూడా బాక్సాఫీస్ వద్ద ఘన విజయం సాధించి ప్రేక్షకులను విశేషంగా అలరిస్తుందని ఆయన ఆశాభావం వ్యక్తం చేశారు. ఇక దర్శకుడు, నిర్మాత చంద్ర సిద్ధార్థ్ మాట్లాడుతూ, తమ సినిమా టీజర్‌ను విడుదల చేసేందుకు అడిగిన వెంటనే అంగీకరించి బిజీ షెడ్యూల్‌లోనూ సమయం కేటాయించిన అనిల్ రావిపూడికి ప్రత్యేక కృతజ్ఞతలు తెలిపారు. టైటిల్ మరియు టీజర్‌కు వస్తున్న అద్భుతమైన స్పందన సినిమాపై క్యూరిసిటీని మరింత పెంచిందని, ఇప్పటి వరకు తెలుగులో వచ్చిన థ్రిల్లర్ సినిమాలన్నింటికంటే ఇది చాలా డిఫరెంట్‌గా ఉంటుందని ఆయన ధీమా వ్యక్తం చేశారు.

ఈ చిత్రంలో హర్ష హీరోగా పరిచయం అవుతుండగా, అమైరా గోస్వామి మరియు సుజనా రెడ్డి హీరోయిన్లుగా ఇండస్ట్రీకి ఎంట్రీ ఇస్తున్నారు. వీరితో పాటు ఇనాయా సుల్తానా, రవివర్మ, అశోక్ వర్ధన్, రేఖా నిరోషా, సన్నీ, గిరి తదితరులు కీలక పాత్రల్లో నటిస్తున్నారు. తాజాగా విడుదలైన టీజర్ సినిమా కథాంశంపై భారీ అంచనాలను క్రియేట్ చేసింది. హీరో హర్ష ఒక ఇంటికి వెళ్లి ‘నీ రేడియో కావాలి’ అని అడగడం, అక్కడ రేఖా నిరోషా ‘నేను వద్దా’ అనడం, ఆమె భర్త ఆసక్తికరంగా చూడటం వంటి సన్నివేశాలు ఉత్కంఠ రేకెత్తిస్తున్నాయి. అలాగే ప్రేయసిని షేర్ చేసుకోవాలనుకునే ప్రియుడు, పెళ్లి పీటల మీద భర్తతో పాటు మరొకరు కావాలని కోరిన భార్య వంటి బోల్డ్ అండ్ ఇంట్రెస్టింగ్ పాయింట్స్ సినిమాపై క్యురియాసిటీని తారాస్థాయికి చేర్చాయి.

‘ఆ నలుగురు’ సినిమాతో మానవ సంబంధాలు, ఉద్వేగాలను అత్యంత బలంగా ఆవిష్కరించిన చంద్ర సిద్ధార్థ్, ఈసారి ఆధునిక థ్రిల్లర్ నేపథ్యంతో పూర్తిగా భిన్నమైన కథాకథనాలతో ఈ చిత్రాన్ని మలిచారు. సంగీతం, మానవ మెదడు మరియు ధ్వని మధ్య ఉండే సంక్లిష్టమైన సంబంధం ఈ చిత్రంలో ప్రధానాకర్షణగా నిలవనుంది. సౌండ్ థెరపీ, బ్రెయిన్ మ్యాపింగ్, మెమరీస్ మరియు గిల్ట్ వంటి సరికొత్త అంశాలను మిస్టరీ జోనర్‌తో జోడించి ఈ సినిమాను తెరకెక్కించారు. ఈ చిత్రానికి ప్రముఖ రచయిత మదన్ కథ అందించగా, జే రెక్స్ సంగీతం సమకూరుస్తున్నారు. చంద్ర సిద్ధార్థ్ స్వయంగా పాటలు రాయగా, పులగం చిన్నారాయణ చక్కటి మాటలు అందించారు. సామ్ సుప్రీత్ సినిమాటోగ్రఫీ, బొబ్బిలి భానుప్రకాశ్ మరియు గిరిధర్ ఎడిటింగ్ బాధ్యతలు నిర్వహించగా, అగస్త్య మంజు, సాగర్, మహి సహ నిర్మాతలుగా వ్యవహరించారు. సెప్టెంబర్ 18న థియేటర్లలో విడుదల కాబోతున్న ఈ సంచలన చిత్రం ప్రేక్షకులకు ఒక సరికొత్త అనుభూతిని పంచడానికి సిద్ధమవుతోంది.