Dhanush Enter’s 100 crore Club | ‘3’, ‘రఘువరన్ B-Tech’ వంటి సినిమాలతో టాలీవుడ్లో మంచి క్రేజ్ తెచ్చుకున్నాడు ధనుష్. ఆ తర్వాత ఈయన నటించిన సినిమాలు చాలా వరకు తెలుగులోనూ డబ్బింగ్ రూపంలో విడుదలవుతూ వస్తున్నాయి. అయితే తెలుగులో ధనుష్కు అంతగా మార్కెట్ లేదు. ప్రస్తుతం ఈయన ఇక్కడ మార్కెట్ను పెంచుకునే పనిలో ఉన్నాడు. ఈ క్రమంలో ఇటీవలే ఈయన నటించిన తిరు ఇక్కడ కూడా ఘన విజయం సాధించి ధనుష్ మార్కెట్ను అమాంతం పెంచింది. ఇక తమిళ్ ఈ చిత్రం ధనుష్ కెరీర్లోనే హైయెస్ట్ కలెక్షన్లు సాధించిన చిత్రంగా నిలిచింది. సినిమా విడుదలై 15రోజులు అవుతున్నా ఇంకా కలెక్షన్లు భారీ స్థాయిలో వస్తున్నాయి. ఇదిలా ఉంటే తాజాగా ధనుష్ మరో అరుదైన ఘనతను సాధించాడు.
తిరు చిత్రంతో ధనుష్ 100కోట్ల క్లబ్లోకి అడుగుపెట్టాడు. ధనుష్కు రూ.100కోట్ల గ్రాస్ కలెక్ట్ చేసిన తొలి చిత్రం ఇదే కావడం విశేషం.అంతే కాకుండా ఈ ఏడాది తమిళంలో హైయెస్ట్ ప్రాఫిట్స్ సాధించిన చిత్రంగా నిలిచింది. ఈ చిత్రంతో ధనుష్కు తమిళనాట కూడా విపరీతమైన ఫాలోయింగ్ పెరిగింది. ధనుష్, నిత్యామీనన్ల మధ్య సీన్స్ అయితే వేరే లెవల్లో ఉంటాయి. ఇక ధనుష్ తాత పాత్రలో భారతీరాజా జీవించేశాడు. వీళ్ళిద్దరూ స్క్రీన్ మీద కనింపించిన ప్రతిసారి.. ఇలాంటి తాత మనకు కూడా ఉంటే బాగుండేదని అనిపిస్తూ ఉంటుంది. అనిరుధ్ రవిచంద్రన్ సంగీతం అందించిన ఈ చిత్రాన్ని సన్ పిక్చర్స్ పతాకంపై కళానిధి మారన్ నిర్మించాడు.