దీపికా తెలుగు డబ్బింగ్‌?

‘కల్కి 2898 ఏడీ’ చిత్రం ద్వారా తెలుగు తెరకు పరిచయమవుతున్నది మంగళూరు సోయగం దీపికా పడుకోన్‌. నాగ్‌అశ్విన్‌ దర్శకత్వంలో ప్రభాస్‌ కథానాయకుడిగా నటిస్తున్న ఈ సైన్స్‌ ఫిక్షన్‌ మూవీ చిత్రీకరణ తుది దశకు చేరుకుంది. ప్రస్తుతం ఇటలీలో ఓ పాట చిత్రీకరణ జరుగుతున్నది.

‘కల్కి 2898 ఏడీ’ చిత్రం ద్వారా తెలుగు తెరకు పరిచయమవుతున్నది మంగళూరు సోయగం దీపికా పడుకోన్‌. నాగ్‌అశ్విన్‌ దర్శకత్వంలో ప్రభాస్‌ కథానాయకుడిగా నటిస్తున్న ఈ సైన్స్‌ ఫిక్షన్‌ మూవీ చిత్రీకరణ తుది దశకు చేరుకుంది. ప్రస్తుతం ఇటలీలో ఓ పాట చిత్రీకరణ జరుగుతున్నది. ఈ సినిమాలో దీపికా పడుకోన్‌ పద్మ అనే పాత్రలో నటిస్తున్నదని, కథాగమనంలో ఆమె పాత్రకు చాలా ప్రాధాన్యత ఉంటుందని చెబుతున్నారు.

ఇప్పటికే దీపికా పడుకోన్‌ పాత్ర తాలూకు షూటింగ్‌ మొత్తం పూర్తయిందని తెలిసింది. తాజా సమాచారం ప్రకారం ఈ సినిమా కోసం తెలుగులో సొంతంగా డబ్బింగ్‌ చెప్పే ప్రయత్నాల్లో ఉందట దీపికా పడుకోన్‌. దక్షిణాది అమ్మాయి కావడంతో తెలుగును అర్థం చేసుకొని డబ్బింగ్‌ చెప్పడం అంత కష్టమైన విషమేమి కాదని, ఓన్‌ డబ్బింగ్‌ వల్ల పాత్రలోని ఉద్వేగాలు మరింత బలంగా కనిపిస్తాయనే ఆలోచనలో ఉందట దీపికా పడుకోన్‌.

అందుకోసం ఈ అమ్మడు ప్రస్తుతం తెలుగు భాషపై పట్టు సాధించే ప్రయత్నాల్లో ఉందట. అయితే వాయిస్‌ టెస్ట్‌ అనంతరం డబ్బింగ్‌ విషయంలో చిత్ర బృందం తుది నిర్ణయం తీసుకునే అవకాశం ఉందని అంటున్నారు. ‘కల్కీ 2898’ చిత్రం మే 9న ప్రేక్షకుల ముందుకురానుంది.