ఆ రోజుల్ని మరచిపోను!

మానసిక రుగ్మతల్ని తొలి దశలోనే గుర్తించి చికిత్స తీసుకుంటే త్వరగా బయటపడతామని సూచించింది అగ్ర కథానాయిక దీపికా పడుకోన్‌. ఏడేళ్ల క్రితం తాను తీవ్రమైన డిప్రెషన్‌కు గురయ్యానని, ఓ దశలో ఆత్మహత్య తాలూకు ఆలోచనలతో సతమతమయ్యానని చెప్పింది. మానసిక వ్యాధిగ్రస్తులకు కావాల్సిన సహాయ సహకారాలు అందించేందుకు ఆమె ‘లివ్‌ లవ్‌ లాఫ్‌' అనే స్వచ్ఛంద సంస్థను స్థాపించిన విషయం తెలిసిందే.ఈ సందర్భంగా ఇటీవల మంబయిలో నిర్వహించిన ఓ కార్యక్రమంలో తాను డిప్రెషన్‌తో బాధపడిన రోజుల్ని గుర్తు తెచ్చుకుంది దీపికా పడుకోన్‌. కుటుంబ సభ్యుల మద్దతు, సైకియాట్రిక్‌ కౌన్సిలింగ్‌ వల్ల తాను కుంగుబాటు నుంచి కోలుకున్నానని చెప్పింది

మానసిక రుగ్మతల్ని తొలి దశలోనే గుర్తించి చికిత్స తీసుకుంటే త్వరగా బయటపడతామని సూచించింది అగ్ర కథానాయిక దీపికా పడుకోన్‌. ఏడేళ్ల క్రితం తాను తీవ్రమైన డిప్రెషన్‌కు గురయ్యానని, ఓ దశలో ఆత్మహత్య తాలూకు ఆలోచనలతో సతమతమయ్యానని చెప్పింది. మానసిక వ్యాధిగ్రస్తులకు కావాల్సిన సహాయ సహకారాలు అందించేందుకు ఆమె ‘లివ్‌ లవ్‌ లాఫ్‌’ అనే స్వచ్ఛంద సంస్థను స్థాపించిన విషయం తెలిసిందే.ఈ సందర్భంగా ఇటీవల మంబయిలో నిర్వహించిన ఓ కార్యక్రమంలో తాను డిప్రెషన్‌తో బాధపడిన రోజుల్ని గుర్తు తెచ్చుకుంది దీపికా పడుకోన్‌. కుటుంబ సభ్యుల మద్దతు, సైకియాట్రిక్‌ కౌన్సిలింగ్‌ వల్ల తాను కుంగుబాటు నుంచి కోలుకున్నానని చెప్పింది.

‘ఆ రోజుల్ని నా జీవితంలో మరచిపోలేను. కెరీర్‌ అగ్రస్థానంలో ఉన్నప్పుడే డిప్రెషన్‌కు గురయ్యాను. ఉదయం లేవగానే ప్రపంచమంతా శూన్యంగా అనిపించేది. జీవితానికి అర్థం లేదనే ఆలోచనలు వెంటాడేవి. మధ్యాహ్నం వరకు నిద్రపోతూ ఉండేదాన్ని. ఒక్కసారిగా దుఃఖం తన్నుకొచ్చేది. అలా ఒంటరిగా ఏడ్చిన సందర్భాలెన్నో ఉన్నాయి. నాలోని మానసిక మార్పులను మా కుటుంబ సభ్యులు గుర్తించడంతో వైద్య సహాయం తీసుకొని బయటపడ్డాను. ప్రతి ఒక్కరు మానసిక వ్యాధుల విషయంలో అప్రమత్తంగా ఉండాలి’ అని దీపికా పడుకోన్‌ పేర్కొంది.