అభిమానులకు ఇక పండగే!

వచ్చే సంక్రాంతికి ‘మన శంకరవరప్రసాద్‌గారు’ చిత్రంతో ప్రేక్షకుల ముందుకు రాబోతున్నారు మెగాస్టార్‌ చిరంజీవి. ఈసారి యాక్షన్‌ డోస్‌ కాస్త తగ్గించి తనదైన వింటేజ్‌ కామెడీతో అభిమానుల్లో జోష్‌నింపబోతున్నారు. ఇప్పటికే విడుదలైన ‘మీసాల పిల్ల..’ పాట సోషల్‌మీడియాలో వైరల్‌గా మారి సినిమాపై అంచనాలను పెంచింది.

వచ్చే సంక్రాంతికి ‘మన శంకరవరప్రసాద్‌గారు’ చిత్రంతో ప్రేక్షకుల ముందుకు రాబోతున్నారు మెగాస్టార్‌ చిరంజీవి. ఈసారి యాక్షన్‌ డోస్‌ కాస్త తగ్గించి తనదైన వింటేజ్‌ కామెడీతో అభిమానుల్లో జోష్‌నింపబోతున్నారు. ఇప్పటికే విడుదలైన ‘మీసాల పిల్ల..’ పాట సోషల్‌మీడియాలో వైరల్‌గా మారి సినిమాపై అంచనాలను పెంచింది. ఇవన్నీ ఒకెత్తు అయితే.. ఈ సినిమాలో అగ్ర నటుడు వెంకటేష్‌ కీలకమైన అతిథి పాత్రలో కనిపించబోతుండటం స్పెషల్‌ అట్రాక్షన్‌. సమకాలీనులైన ఈ ఇద్దరు సూపర్‌స్టార్స్‌ని ఒకే ఫ్రేమ్‌లో చూడటం అభిమానులకు ఓ విజువల్‌ ఫీస్ట్‌ అని చెప్పొచ్చు.

ప్రస్తుతం ఈ సినిమా తాలూకు ఓ పబ్‌సాంగ్‌ను తెరకెక్కిస్తున్నారు. హైదరాబాద్‌లో వేసిన భారీ సెట్‌లో ఈ పాట చిత్రీకరణ జరుగుతున్నదని, ఇందులో చిరు, వెంకీ కలిసి స్టెప్పులేస్తున్నారని సమాచారం. భీమ్స్‌ హుషారైన బీట్‌, చిరు-వెంకీ సిగ్నేచర్‌ డ్యాన్స్‌ మూమెంట్స్‌తో ఈ పాట ఉర్రూతలూగించడం ఖాయమంటున్నారు. ఈ పాట చిత్రీకరణతో షూటింగ్‌ మొత్తం పూర్తయినట్లే అని చెబుతున్నారు. అనిల్‌ రావిపూడి దర్శకత్వంలో సాహు గారపాటి, సుస్మిత కొణిదెల ఈ చిత్రాన్ని నిర్మిస్తున్నారు.